開主選單

周幽王前795年前771年,前782年至前771年在位),真名姬宮湦(湦讀笙,sang1),係西周第十二代兼最後一代天子(君主),在位十一年。佢係周宣王個仔。佢同商紂王一樣,沉迷女色,敗壞朝政,係古代中國史上出名嘅暴君。

目錄

早年經歷

周幽王二年(前781年),關中大地震,西周嘅老百姓認為呢個係西周滅亡嘅先兆。周幽王三年(前780年),絕世靚女褒娰入宮做周幽王嘅妃子,冇幾耐褒娰大肚,生咗伯服。周幽王好冧褒娰,伯服出世之後,周幽王廢咗嗰陣時嘅王后申后同埋嗰陣時嘅太子宜臼(即係第時嘅周平王),改立褒娰做王后、伯服做太子。

烽火戲諸侯

話說褒娰唔鍾意笑,周幽王為咗氹褒娰開心,諗到烽火戲諸侯呢條橋。周幽王響個烽火台到點火,啲諸侯見到,以為西周王畿俾外敵入侵,即刻派軍隊去救周幽王。啲諸侯到咗之後,先發現自己俾周幽王玩,當場𤓓爆。褒娰見到佢哋個𤓓樣,終於笑咗出蒞。

周幽王十一年(前771年),戎族入侵西周,周幽王去烽火台點火,結果班諸侯以為周幽王又玩佢,一個諸侯都冇去救佢。最後,周幽王、褒娰同伯服都俾戎族殺死,西周滅亡。

家室