諸侯係中國封建制度時期，對於封地君主嘅一個稱呼。佢哋嘅封地叫做諸侯國，完全由周天子分封。而且所有嘅諸侯王同皇帝一樣，爵位都係採用世襲制度。基本上按照唔同嘅官職，可以細分做公、侯、伯、子、男五種。另外，名義上效忠中央朝廷，但實際上獨立嘅地方官員亦都會被叫做「諸侯」，例如漢末三國就有「挾天子以令諸侯」嘅講法，小說《三國演義》入面亦將聯合討伐董卓嘅地方官員叫做「十八路諸侯」。
