命題
喺哲學、邏輯學同語言學入面嘅命題（粵拼：ming6 tai4；英文：proposition），係指一句陳述句嘅語義（實際表達嘅概念），呢個概念係俾人定義同觀察嘅現象。命題唔係指陳述本身。當唔同陳述句有相同語義嘅時候，佢哋就係表達相同嘅命題。例如
- 粵語「雪係白嘅」
- 粵語「雪係白色嘅」
- 英文 "Snow is white."
係唔同嘅陳述句，但佢哋表達嘅命題係相同嘅。而同一種語言嘅兩個唔同嘅陳述都可能表達相同命題。例如，啱啱嘅命題都可以寫做「冰嘅結晶係白色嘅」；不過，呢個之所以係相同命題，係基於「冰嘅結晶」係「雪」嘅諗法。
通常，命題係指閉判斷，以分辨出開判斷，或謂詞。呢種情況嘅命題唔係真就係假。哲學學派邏輯實證主義支持呢個命題嘅概念。
一啲哲學家，如約翰·希爾勒，認為其他形式嘅語言或行為都係命題。是非疑問句係詢問緊命題真值。 道路交通標誌通過語言外嘅圖像就表達咗命題。用陳述句都可以係一個命題而唔判定佢，例如，老師請學生對某個引用發表意見嗰陣，呢個引用就係一個命題（有語義）而呢個老師冇判定佢。如上一段淨係俾咗「雪係白嘅」命題，但係冇判定佢。
睇埋
編輯
 |