和平門國際公園

和平門國際公園（Peace Arch Park）係一個喺加拿大同美國邊境嘅國際公園，由位於北邊，由加拿大卑詩省管理嘅和平門省立公園（行政上屬於素里市，由卑詩省環境廳管理）同埋位於南邊，由美國華盛頓州管理嘅和平門州立公園（行政上屬於白靈市，由華盛頓州公園及康樂事務署）組成。和平門國際公園同時亦都係和平門（道格拉斯）邊境檢查站嘅所在地。卑詩省99號省道同華盛頓州5號州際公路喺伊度交匯。

和平門國際公園。

加方口岸。

和平門。

遊客喺和平門國際公園（包括加拿大同埋美國兩部份）入面玩唔使通關，但係穿過邊境之後唔可以離開公園。要進入對方喺公園以外嘅領土，一定要去邊境檢查站通關。

邊境檢查站

加美兩國嘅口岸分別位於和平門國際公園嘅北南兩端。加方口岸嘅正式名稱係「道格拉斯口岸」，而美方口岸嘅正式名稱就係「白靈口岸」。雙方口岸嘅檢查站都係24小時開放嘅。

和平門

和平門係和平門國際公園最重要嘅地標，喺正加美邊境線上面，喺1921年正式揭幕。和平門嘅加美兩邊分別刻咗兩句口號，喺加拿大一邊嘅口號係「同舟共濟」（Brethren Dwelling Together in Unity），喺美國一邊嘅口號就係「一個媽媽兩個仔」（Children of A Common Mother）。門裡面亦都刻咗兩句口號，東邊嗰句係「1814開放一百年1914」（1814 Open One Hundred Years），西邊嗰句係「希望呢幾道門永遠唔好閂」（May These Gates Never Be Closed）。

註解及參考

出面網頁

• Peace Arch Provincial Park, British Columbia Ministry of Environment, Canada