品秩

品秩（粵語拼音：ban2 dit6），或者叫做品位（粵語拼音：ban2 wai6），係官僚制度當中，用嚟定義官階既大細，同埋俸祿既多少既級化／量化方法。喺東亞地區當中，從有文獻記載既資料嚟睇，中國好可能係最先用品秩去定朝廷官員既官品同俸秩既，之後傳到東亞既其他國家，例如朝鮮半島同日本，亦都傳到東亞既其他國家，例如越南。

中國

周朝

周朝官員既品級

周朝既官爵分為九等，叫做「九命」；最高級既係「九命」，最低級既係「一命」^[1]。根據《周禮·春官·典命》既記載：上公「九命」叫做「伯」^[2]（伯既意思係管領一個封國或者封地既長官），例如周公旦（即係我哋成日講發夢見嗰個「周公」，又叫周文公，佢係周文王既第四仔，佢既封國係魯國，首都喺曲阜，不過佢可能從來都無去過，由佢既大仔伯禽去管治，自己留喺鎬京同召公奭一齊輔佐天子）、召公奭等；侯、伯「七命」^[2]，例如：晉侯燮（姬姓，名燮，西周諸侯國晉國既第二任統治者，係周成王既侄仔，因為佢原本既封國係唐，所以又叫「唐伯」，佢繼位之後改國號做「晉」）、吳太伯、魏文侯等；子、男「五命」^[2]，例如：楚王熊繹（羋姓，熊氏，名繹，楚國俾周成王分封之後既第一代國君，受封做楚君，賜「子」爵，封地五十里）；五命以上既係諸侯，有自己既諸侯國，佢哋既國家、宮室、車旗、衣服、禮儀都根據佢哋俾周王室冊封既級別（命數）而定^[2]。

周朝天子對唔同級別既命官，有唔同既授命儀式，叫做「九儀」或者「九儀之命」。根據《周禮·春官·大宗伯》所講：「以九儀之命正邦國之位：壹命受職，再命受服，三命受位，四命受器，五命賜則，六命賜官，七命賜國，八命作牧，九命作伯^[2]」

《周禮·春官·典命》亦都話：「王之三公八命，其卿六命，其大夫四命^[2]」，呢啲周王既三公、卿、大夫都係周王既臣；「公之孤四命^[2]」（註：「孤」係古代既官名，喺三公之下），「公、侯、伯之卿三命」，例如：管仲（姬姓，管氏，字仲，係齊國既下卿^[3]），大夫二命，士一命；子、男之卿二命，大夫一命，士不命。

而《禮記·王制》話：「大國之卿，不過三命；下卿再命，小國之卿與下大夫一命^[4]」，意思係大國既卿最高只可以係三命，下卿二命；小國既卿同下大夫係一命。呢啲命數同《周禮》有啲輕微既唔同。

周朝既官秩

《禮記·王制》話：「王者之制祿爵，公侯伯子男，凡五等^[4]。諸侯之上大夫卿，下大夫，上士，中士，下士，凡五等」，意思係周天子分封出嚟既禄爵有五等，分別係公、侯、伯、子、男；而諸侯國既國君既下級官員，亦都係有五等，分別係上大夫卿、下大夫、上士、中士、下士。註：禄爵既禄係指「祿米」同埋其他實物收入，例如：布；爵係正式既官職。

《禮記·王制》亦都話：「天子之田方千里，公侯田方百里，伯七十里，子男五十里。不能五十里者，不合於天子，附於諸侯曰附庸。天子之三公之田視公侯，天子之卿視伯，天子之大夫視子男，天子之元士視附庸^[4]」，意思係周天子既自留地有千里，公侯既封地係百里，伯既封地係七十里，子男既封地係五十里。無五十里既，唔適合做天子既臣子，就依附喺諸侯做佢哋既附庸。天子既三公，佢哋既封地同公侯一樣，天子既卿同伯一樣，天子既大夫同子男一樣，天子既元士同附庸一樣。

以田地為主，亦有俸祿，高官俸祿係低級官員既二三十倍，而諸侯係高官既十倍。

三國時代以前，官僚體系並無用品嚟做等級既區分，而係用秩（俸祿既多少）嚟定義官階既高低。

兩漢、三國時代

兩漢同埋三國時代既品秩係用俸祿既石數嚟做區分標準，但係嗰啲數字唔係真實既俸祿收入，而只係一個大致上既等級，有嚟區分官位既大細。

從上到下，官員既官秩等級有：萬石、中二千石、二千石、比二千石、千石、比千石、八百石、比八百石、六百石、比六百石、五百石、比五百石、四百石、比四百石、三百石、比三百石、二百石、比二百石、一百石、斗食、佐史。

註：清朝道光年間，魏崧寫既《壹是紀始·卷六》「官祿米數，始於周。俸祿半穀半錢，始於漢。俸全用錢，始於唐^[5]」，意思係從周朝開始，官員出糧係用米數嚟分既，叫做「祿米」；漢朝開始，官員出糧改成半穀半錢既俸祿制，即係有實物既「祿米」，亦都有「俸錢」(又叫做「俸銀」）；去到唐朝開始，官員出糧方式又再改，改成偏重於「俸」，即係以「俸錢」為主。

東漢初期，官員既實際俸祿係「半穀半錢」，每個月萬石三百五十斛，中二千石百八十斛，二千石百二十斛，比二千石百斛，千石八十斛，六百石七十斛，比六百石五十斛，四百石四十五斛，比四百石四十斛，三百石亦係四十斛，比三百石卅七斛，二百石卅斛，比二百石廿七斛，一百石十六斛，斗食十一斛，佐史八斛。另外，史書亦都有「真二千石」呢個詞語，佢既地位同概念，有一定既爭議性。

南宋徐天麟寫既《西漢會要·卷三十七·職官七》「秩祿萬石〈（穀，月三百五十斛）〉太師、太傅、太保 …… 」，意思係漢代常見既官員品秩之中，三公係中央最高既榮譽職位，秩萬石；九卿第二，係中二千石；太守（郡既首長），係二千石，縣令（大縣既首長）係一千石，縣長（小縣既首長）係四百石或者三百石，負責監察各郡縣既刺史係六百石。同時，亦有官吏因為表現優異，喺唔提升官職既情況下提升俸祿。

魏晉南北朝

曹魏實施九品官人法之後，起先係品秩並行既，後嚟就「品」漸漸取代咗「秩」，只用官品嚟做官階高低既代表。

北周时期

南北朝既北周跟返以前既《周禮》，設置咗北周六官（天官冢宰、地官司徒、春官宗伯、夏官司馬、秋官司寇、冬官司空），喺公元556年（西魏恭帝三年正月），作九命之典，將「九品」改返做「九命」，將第一品叫做九命，第九品叫做一命。九品制原本既各品都有正從，北周制度改成喺每命前加正命，變成：正九命、九命、……、正一命、一命。

隋文帝建立隋朝後，廢北周六官，同埋九命制，創立咗三省六部制，恢復咗九品制。

唐朝

唐朝既官分為流內官，同埋流外官，其中流內官指既係喺九品三十階內既職官，流外官則係喺九品之外既官。

九品三十階內容如下：

中華民國職官分為特任、簡任、薦任、委任四級，外加約聘僱人員。簡薦委任內，仍有細分。

依據警察人員人事條例、陸海空軍軍官士官任官條例、陸海空軍軍士官等官階與公務人員對照表、警察人員與一般行政人員及技術人員相互轉任官等官階（職等）及相當俸級之俸額俸點轉敘對照表：

一般公務人員分為十四個職等（前者為官等、後者為職等，數字越大官位越大）：委任一職等到委任五職等、薦任六職等到九職等、簡任十職等至簡任十四職等、再上去為特任官（官派）既公務人員^[6]

約聘僱人員：屬於廣義上既公務人員，因為唔需要經過國家考試選拔，所以未被「銓敘」，而唔屬於真正既公務員。註：「銓敘」既銓係權衡既意思，敘係序列既意思，「銓敘」係指權衡公務人員既任用資格同條件，序列公務人員既等級同俸給；根據「中華民國憲法增修條文」第6條第1項第2款規定，公務人員既「銓敘」係考試院掌管既事^[7]。約僱人員門檻較低，主要處理一般既事務。學歷條件依照個別職缺既資格而定，從事委任五職等以下既職務，一般需要有國中至專科以上學歷^[8]。因應業務需要，以發展科學技術，或執行專門性之業務，或專司技術性研究設計工作，非機關現有人員所能擔任者為限，從事薦任六至十三職等既職務，約聘人員既學歷條件依照該職缺既資格須有學士至博士學歷^[9]。同正式公務員一樣有考核、升級、淘汰制度。

軍方公務人員分為將官、校官、尉官、士官（士官長既官等屬士官）四個軍官官等：一級上將（已無在任官）、二級上將、中將、少將、上校、中校、少校、上尉、中尉、少尉、（士官）：一等士官長、二等士官長、三等士官長、上士、中士、下士
警察人員分為（前者為官等、後者為職等，數字小者為官位居大）：警監有五個職等（警監特階、警監一階到四階）、警正有四個職等（警正一階到四階）、警佐有四個職等（警佐一階到四階）^[10]

職等對照	特任	簡任					薦任
文　職	見特任官條目	簡任十四職等	簡任十三職等	簡任十二職等	簡任十一職等	簡任十職等	薦任九職等	薦任八職等
軍　職	一級、二級上將	中將		少將		上校	中校
警　職	-	警監特階	警監一階	警監二階	警監三階	警監四階	警正一階	警正二階
約聘人員	-		最高第十三職等以下之臨時性工作

職等對照	薦任		委任
文　職	薦任七職等	薦任六職等	委任五職等	委任四職等	委任三職等	委任二職等	委任一職等
軍　職	少校	上尉	中尉少尉	一等、二等、三等士官長	上士	中士	下士
警　職	警正三階	警正四階	警佐一階	警佐二階	警佐三階	警佐四階	-
約聘人員	最高第十三職等以下之臨時性工作		-
約僱人員	-		最高第五職等以下之臨時性工作

中華人民共同國

中華人民共和國黨政幹部既級別，從最高中共中央政治局常委既國家級正職（正國級）到最低既辦事員。

日本

律令制

日本喺大寶律令之後，仿傚唐朝既九品三十階既官員品位制度，喺律令制之下劃分官位。佢哋既官階總共係九位三十階，但係親王、內（女）親王又例外，分為一至四品，無分正從上下。日本無散官，所以直接以品秩作為官銜既一部分。正從五位以下既職官，又按照任職地點再分為內（京中）、外（諸國）位。內位八位以上由朝廷降敕頒授、初位以下由太政官頒授，外位既八位以下就由太政官頒授。另外，如征夷大將軍等既臨時官職，並無一定品秩。

正一位：多數係過世後所追贈。
從一位：太政大臣（だいじょうだいじん／だじょうだいじん），相當於唐制既「相國」、「太師」。
正二位：左大臣、右大臣
從二位：內大臣、藏人別當
正三位：大納言
從三位：中納言、近衛大將、太宰帥
正四位：中務卿，上階。七省卿，下階。參議（無固定品秩，出於臨時恩典）
從四位
正五位
從五位
正六位
從六位
正七位
從七位
正八位
從八位
大初位（正九位）
少初位（從九位）

越南

阮朝

主條目：阮朝官職表

朝鲜

主條目：朝鮮王朝位階

琉球

主條目：琉球位階

参考

↑ 饒宗頤、沈建華 (1995)。《甲骨文通檢: 職宮人物》。Hong Kong：中文大學出版社。ISBN 978-962-201-682-8。
↑ ^2.0 ^2.1 ^2.2 ^2.3 ^2.4 ^2.5 ^2.6 〈周禮/春官宗伯#典命之職 - 維基文庫，自由的圖書館〉。zh.wikisource.org (中文)。喺2024-01-27搵到。{{cite web}}: CS1 maint: url-status (link)
↑ 《左傳·僖公十二年》：王以上卿之禮饗管仲，管仲辭曰：「臣，賤有司也，有天子之二守國、高在。若節春秋來承王命，何以禮焉？陪臣敢辭。」王曰：「舅氏，余嘉乃勛，應乃懿德，謂督不忘。往踐乃職，無逆朕命。」管仲受下卿之禮而還。
↑ ^4.0 ^4.1 ^4.2 〈禮記/王制 - 維基文庫，自由的圖書館〉。zh.wikisource.org (繁體中文)。喺2024-01-27搵到。
↑ 〈壹是紀始/卷六 - 維基文庫，自由的圖書館〉。zh.wikisource.org (繁體中文)。喺2024-01-28搵到。
↑ 〈公務人員職稱職等有那些？公務人員任用的基本原則為何？看完這篇一次搞懂！〉。《公職王》。喺2024-01-27搵到。
↑ 〈中華民國憲法增修條文-全國法規資料庫〉。law.moj.gov.tw (中文)。喺2024-01-27搵到。
↑ 〈約僱人員比照分類職位公務人員俸點支給報酬標準表〉 (PDF)。《臺中市政府全球資訊網》。原著 (PDF)喺2021-05-09歸檔。喺2023-10-05搵到。
↑ 〈聘用人員比照分類職位公務人員俸點支給報酬標準表〉 (PDF)。《臺中市政府全球資訊網》。原著 (PDF)喺2021-05-09歸檔。喺2023-10-05搵到。
↑ 〈警察職等對照表一覽表，警察階級圖讓你一次了解〉。《公職王》。喺2024-01-28搵到。

[1] 饒宗頤、沈建華 (1995)。《甲骨文通檢: 職宮人物》。Hong Kong：中文大學出版社。ISBN 978-962-201-682-8。

[:0-2] 2.0 ^2.1 ^2.2 ^2.3 ^2.4 ^2.5 ^2.6 〈周禮/春官宗伯#典命之職 - 維基文庫，自由的圖書館〉。zh.wikisource.org (中文)。喺2024-01-27搵到。{{cite web}}: CS1 maint: url-status (link)

[3] 《左傳·僖公十二年》：王以上卿之禮饗管仲，管仲辭曰：「臣，賤有司也，有天子之二守國、高在。若節春秋來承王命，何以禮焉？陪臣敢辭。」王曰：「舅氏，余嘉乃勛，應乃懿德，謂督不忘。往踐乃職，無逆朕命。」管仲受下卿之禮而還。

[:1-4] 4.0 ^4.1 ^4.2 〈禮記/王制 - 維基文庫，自由的圖書館〉。zh.wikisource.org (繁體中文)。喺2024-01-27搵到。

[5] 〈壹是紀始/卷六 - 維基文庫，自由的圖書館〉。zh.wikisource.org (繁體中文)。喺2024-01-28搵到。

[6] 〈公務人員職稱職等有那些？公務人員任用的基本原則為何？看完這篇一次搞懂！〉。《公職王》。喺2024-01-27搵到。

[7] 〈中華民國憲法增修條文-全國法規資料庫〉。law.moj.gov.tw (中文)。喺2024-01-27搵到。

[8] 〈約僱人員比照分類職位公務人員俸點支給報酬標準表〉 (PDF)。《臺中市政府全球資訊網》。原著 (PDF)喺2021-05-09歸檔。喺2023-10-05搵到。

[9] 〈聘用人員比照分類職位公務人員俸點支給報酬標準表〉 (PDF)。《臺中市政府全球資訊網》。原著 (PDF)喺2021-05-09歸檔。喺2023-10-05搵到。

[10] 〈警察職等對照表一覽表，警察階級圖讓你一次了解〉。《公職王》。喺2024-01-28搵到。

[1]

[2]

[3]

[4]

[5]

[6]

[7]

[8]

[9]

[10]

品秩

中國

周朝