唐季珊
著名茶葉商人
唐季珊（1896年—1967年），廣東人，1930年代上海茶葉商人，有「茶葉大王」之譽。
生平
編輯上海南洋公學畢業後，到英國留學。1914年第一次世界大戰爆發後，返咗上海。
1916年，以唐翹卿嘅唐氏家族為主嘅「華茶公司」成立，唐翹卿二仔唐季珊擔任「華茶公司」協理一職，而大仔唐叔璠就擔任經理。幾年後由唐季珊出任經理職位。
喺茶葉外銷獲得成功後，唐季珊又去發展電影事業，成為聯華影業公司大股東。
1932年1月，淞滬抗戰爆發。華茶公司喺閘北嘅廠房、倉庫全部炸毀。公司向銀行貸款，得以繼續經營。1937年8月13號，淞滬抗戰又爆發，華茶公司新起嘅廠房、倉庫同機器設備又再一次俾日軍燒晒。華茶公司遭受呢鑊致命打擊，從此一蹶不振。在此期間，上海電影明星阮玲玉服毒自殺並留低「人言可畏」遺書，因唐季珊試過同阮玲玉同居一段時間，一時社會傳聞疊起，對唐季珊帶來唔少負面影響。
1949年，上海俾中共佔領前夕，唐季珊前往香港，後又輾轉到台灣。雖然此後風光唔及得上華茶，但佢經常造訪茶行，鼓勵生產並輔導外銷高級茶葉。後來茶行第二代長成並熟習英語，唐又教導參與投標英美嘅方法，最終使洋行漸次消退。另外，留喺上海嘅華茶公司畀咗唐氏家族第啲人經營，卒之喺1954年宣告歇業。
參考
編輯 |