唐碧霞
唐碧霞（Yoki Tong，1992年—），外號「碧霞老師」，係香港堪輿學家、專欄作家、女模特兒、主持人、演員。十五歲拍攝第一個廣告後，就入行做模特兒，又做過now TV節目主持，因為參選2016年香港小姐競選成為大熱後退選而出名[1]，2018年正式進入玄學界及賽馬界。因為外表甜美、精通玄學兼口才文筆好，所以被各大傳媒力捧，擁有自己嘅運程書、賽馬書、玄學賽馬節目、專欄及風水玄學館，知名度越來越高。
| 唐碧霞 | |
|---|---|
| 女藝人 | |
| 出世 | 1994年.svg){kind=small} 英屬香港 |
| 經紀公司 | nowTV（2015年-2016年） 黃偉文所創立嘅電影公司（2016年-） |
| 唐碧霞 | |
|---|---|
| 母校 | 生命教育協會呂郭碧鳳中學 巴拉福特大學工商管理學士 |
| 寫作嘅時期 | 2018年- |
| 主題 | 玄學界 賽馬界 |
| 名作 | 唐碧霞牛年運程書 馬徒勝經 唐碧霞虎年運程書 唐碧霞兔年運程書 |
2020年佢推出咗「唐碧霞牛年運程書」、「馬徒勝經」兩本著作，2021年推出第三本著作「唐碧霞虎年運程書」，因廣受歡迎，2022年推出第四本著作「唐碧霞兔年運程書」，進一步增加知名度同埋喺玄學界嘅地位。
簡歷改
唐碧霞以前讀新生命教育協會呂郭碧鳳中學，喺2017年取得英國巴拉福特大學工商管理學士學位[2]。佢初出道因其甜美笑容被稱為「C cup陳自瑤」。佢2013年參加過工展小姐選舉[1]。佢係2015年加入now TV，做過體育節目《Everyday》主持，去到2015年尾辭職，備戰第二年嘅香港小姐競選。佢最終有報名參選，但報名無幾耐就傳有大陸有錢人出廿萬請佢去「飯局」[3]，然後佢好嬲咁拒絕「飯局」，最後佢因為要繼續讀書所以退選香港小姐[1]。同年，佢參選「大閘蟹小姐競選」而畀人談論[4]，再以拍攝電影為由再次退選「大閘蟹小姐競選」。
其後佢喺2016年加盟黃偉文所創立嘅電影公司，成為旗下藝人，主力發展電影、電視劇同主持。2017年參與由協盛協豐（00707）旗下公司星鉑企業同星淘集團聯合打造嘅網絡劇《奪命島》，於2016年12月16號進行開鏡儀式，擔任第二女主角，正式加入娛樂圈。
佢十幾歲就學玄學命理，師承隱世高人曾景成（多位一線紅星及名人嘅風水師）及著名堪輿學家吳佩孚，並擅長風水、子平八字、易經占卜、三世書、紫微斗數、面相、掌相、流年運程等。佢曾經接受過唔同嘅傳媒報道及採訪，包括電視廣播有限公司（TVB）、香港電台電視、新城電台《瑪利嘉兒》、東方日報、明報、東方新地、澳門日報等。
參考改
- ↑ 1.0 1.1 1.2 Yoki自覺唔夠班退選港姐：讀埋碩士先！
- ↑ 〈前nowTV主持選港姐 慘被拖糧〉. 原著喺2020年3月16號歸檔. 喺2017年1月16號搵到.
- ↑ 選港姐未入圍Yoki飯局價20萬
- ↑ 〈大閘蟹小姐肉鬥 退選港姐再退選〉. 原著喺2017年9月7號歸檔. 喺2016年9月23號搵到.