商湯

湯，又叫商湯、成湯、太乙、高祖乙、啺（音唐）、商武王、成唐、成，係商嘅建立者兼第一任商王。湯係商族人阿頭，見到天下共主桀將夏管治到民不聊生，就想取代佢嘅共主地位，最終響鳴條之戰打敗桀，夏亡國，商朝建立。

湯
介紹
名	湯
廟號	太祖
謚號	武王（周武王尊稱）
朝代 / 國家	商
在位	前17世紀
老豆	主癸

湯

生平

湯係主癸個仔。

湯原本係商族阿頭，係桀嘅下屬。湯同有莘氏人結婚之後，開始用有才嘅伊尹同仲虺做丞相，勵精圖治，令到商逐漸變勁。湯一心諗住K.O.夏，佢以亳做首都，派伊尹入夏攞料做奸細。養精蓄銳幾年之後，響亳起兵，對夏宣戰。湯先攻擊夏嘅諸侯國，令到夏冇嗮援軍，最終響鳴條之戰慘敗，夏亡國。湯做咗天下共主，建立商朝。

湯過身之後，由於太子太丁未等到繼位就過身，於是就由太丁細佬外丙繼位做商王。