伊尹

伊尹，叫伊，尹係官名或者字號，而佢有個名叫摯，又叫阿衡，係中國遠古時，商國開朝要人，以輔助成湯滅夏同太甲改過而聞名。因為年代久遠，伊尹記載互相矛盾，有好重傳說意味。伊尹個名，見於佢死後，商代遺物甲骨文所示，伊尹為商人所祭。伊尹嘅事蹟，見於《書經》，當中有《汝鳩》、《汝方》、《湯誓》、《伊訓》、《肆命》、《徂后》、《大甲》三篇、《咸有一德》、《沃丁》等篇。

伊尹
國籍	商朝
職業	chef、政治人
[改維基數據]

儒家思想中，伊尹輔湯，就好似舜輔堯，禹輔舜咁。

身世

伊尹身世有唔同版本。伊尹莘人，約莫係清代河南莘州地方。

佢出世有個傳說，伊查實係伊水咁解，係條河名。而伊老頭老母就住響呢帶。響伊老母陀住伊嗰陣，就發夢，有靈話過佢知，太陽好快會發洪水，佢一定要向東行。到朝早，佢望住太陽，睇到同夢境一樣，就警告隔籬鄰舍。然後佢就走，行咗十里，望返轉頭，成個城浸晒，而佢就突然變咗樖桑。而莘嘅公主，就採桑，採採下去到一樖空心桑，裏面竟然有個蘇蝦，就係伊喇。公主帶佢返去。公主老頭送伊畀佢個廚，問佢就知佢阿媽原來住響伊水邊。

戰國就流行一個故仔。湯娶有莘氏嘅女，而伊尹就乘機坐佢架車，跟埋去商。而伊尹煮嘢好掂，就跟畀湯留意到。之不過孟子認為故仔係假嘅。

孟子認為，伊係莘地農人，係有能之人，學堯舜之原則，藏響民間．唔受官位。佢準備好跟堯舜嘅原則人。湯知道伊有智慧，有能力，就叫人送好多名貴禮物過伊，請佢過去商。之不過，請咗兩次，伊就係唔肯去。到第三次，伊感到湯係好有誠意，認為佢可以幫湯做到堯舜咁受民愛戴，就跟咗湯。

反夏

湯完全信伊，就送佢去桀度，希望可以幫桀會返返正軌。伊如是者來回來五次，覺得桀無得救，湯就反桀。

攝政

湯死，後個帝位承繼人都早死，最後輪到子至，即係祭名大甲，《史記》叫太甲來繼位。之但係子至唔係好掂，伊就放逐佢去桐宮，伊攝政。三年後，子至改過返來。伊尹交返權力畀佢。之不過，《竹書紀年》就有唔同講法，話伊係自立為帝，子至返來殺伊。而伊家，子至就安排由佢兩個仔，伊陟同伊奮分家接手。不過，《竹書紀年》講法就同主流講嘅唔同，疑係後人加嘅，而甲骨文所示，到商末，都一直有祭伊。

阿衡。