嘉樂庇總督大橋

嘉樂庇總督大橋（葡文：Ponte Governador Nobre de Carvalho）又叫做嘉樂庇大橋，一般啲人會嗌佢做澳氹大橋、舊澳氹大橋、舊大橋又或者係舊橋；係澳門第一條由澳門半島去氹仔嘅跨海大橋，亦係當時葡萄牙「十大建設工程」之一。大橋由澳門半島葡京酒店對開嘅地方一直起到氹仔小潭山北側。

嘉樂庇大橋氹仔往澳門半島路面實況

嘉樂庇總督大橋夜景

背景

大橋由1970年6月開工，1974年10月正式通車。大橋全長2,569.8米，闊9.2米，雙線來回行車。大橋中間突起，最高地方距離海平面三十五米。開嗰陣曾經係世界最長嘅跨海鋼筋水泥橋，令到澳門半島同氹仔終於唔使靠渡輪來往，可以用車通行。而大橋名係以當時第121任嘅澳門總督嘉樂庇嚟改名，但係一般會嗌佢做舊大橋、澳氹大橋又或者係舊澳氹大橋。

嘉樂庇總督大橋上面設有雙線來回馬路，初期只係畀輕型汽車嚟行同向過橋嘅車收過橋費，後嚟響1976年根據「第12/76/M號法令」取消咗。

後來隨住賭權開放同社會發展，澳門機動車輛數目不斷增加，所以當局趁住亞馬喇迴旋處重整工程嗰時，響2005年4月8號開始暫時封橋半年嚟進行維修工程同臨時交通管制，之後只係畀巴士、的士同緊急車輛嚟行，土地工務運輸局響2007年4月2號宣佈再將管制延長半年去到同年10月5號，並響同年4月5號開始畀返人行，但係行嘅方向要同車行方向相反，而只係畀巴士、的士同緊急車輛嚟行嘅管制就一直延長到而家。

管理

大橋而家係受到《嘉樂庇大橋、友誼大橋及引橋規章》管制。

交通

經嘉樂庇總督大橋來回嘅巴士線：11、21A、22、25、25AX、25B、26A、28A、33、39、50、50B、52、71、73、102X、H3、MT1、MT2、MT5