嘉美雞

嘉美雞（Kamei Chicken）係香港雞種，由香港大學嘉道理農業研究所（同嘉道理農場暨植物園‎無直接關係）研發，個名源自「香港大學嘉道理農業研究所培養嘅美味鷄」。而家市面上一般鷄（三黃鷄）有好多皮下脂肪、肉質粗又無鷄味；見到噉樣，香港大學動物學系陳安教授由1996年開始喺香港同中國大陸搜羅十幾種近乎原種鷄（真正純種鷄已絕蹟），用先進嘅遺傳工程技術將佢純化，再交配出一隻品種優良嘅嘉美鷄。