嘩啦嘩啦

嘩啦嘩啦（最尾個啦讀陽平，Walla-walla）係種用行摩打嘅艇，響香港維多利亞港穿插。嘩啦嘩啦係西人畀個聽到摩打聲畀嘅名。本地人亦都叫佢做電船仔。

嘩啦嘩啦響20世紀50、60年代係全盛時期，有成200幾隻。每日響啲渡海小輪收工之後，喺凌晨1點到6點半載乘客同運送貨物，5點幾鐘啲船去晒香港島嗰邊運報紙。喺1972年海底隧道開咗之後，嘩啦嘩啦開始少人搭，慢慢就冇晒。