嚴楚翹
嚴楚翹（英文：Ice Yim，1991年4月3號—），係香港女演員同模特兒，2021年ViuTV選美真人騷《造美人》嘅亞軍兼「內在美人大獎」。
簡歷 編輯
嚴楚翹中學讀王肇枝中學，2010年入讀香港大學專業進修學院保良局何鴻燊社區書院體育及康樂管理高級文憑，2012年升讀香港大學理學士，主修運動及健康。佢讀書嗰陣亦做過香港女子壘球代表隊成員，有港大「壘」神之稱。2009年攞過「屈臣氏集團香港學生運動員獎」。
嚴楚翹大學畢業後投身演藝事業，參與過一啲劇場演出，之後亦有做電視劇特約演員。
嚴楚翹2021年參加ViuTV真人騷《造美人》，最後攞到亞軍（同冠軍只係相差0.4分），同埋攞到由佳麗互選嘅「內在美人大獎」。