四代香港人
《四代香港人》係一本講香港社會現象嘅書，作者係香港社會學學者呂大樂。
| 作者 | 呂大樂 |
|---|---|
| 語言 | 中文 |
| 題材 | 香港人 |
| 出版 | 進一步 |
| 出版地 | 香港 |
| 出版時間 | 2007年6月1號 |
| 媒體類型 | 印刷 |
| 頁數 | 68頁 |
| ISBN | 9789628326891 |
作者用「四代香港人」代表而家香港社會世代輪替停滯嘅一種現象，佢將香港人分為四代，包晒1920年代到1980年代出世嘅香港人。
第一代香港人
編輯第一代係大約二十世紀二、三十年代出世嗰班人，呢個時代社會由於唔係好富裕，好多人靠打拚而成功，由於經歷過第二次世界大戰嘅戰亂時期，所以佢哋以節儉為信念，即使係戰後生活狀況改善咗，佢哋依然都好慳，同埋會為唔穩定嘅未來做準備。
第二代香港人
編輯第二代係喺戰後嬰兒潮出世嗰班人，呢一代因為受過教育，佢哋用知識喺社會上爭取到地位。但係由於佢哋呢代嘅競爭好激烈，所以贏咗嗰批就相信只要佢哋努力，凡事都能成功，相信適者生存呢句話，而輸咗嗰批就會覺得只要佢哋再努力，依然可以成功。呢一代人成為咗而家社會上面最大部分主導嘅一群，所以喺做決策上，佢哋會將自身經驗應用至辦事方式，直接影響其他代嘅人。
第三代香港人
編輯之後係第三代人，即係大約1966年-1975年出世嗰一班，呢一代雖然同樣受過教育，人數上由於唔夠第二代多，喺消費力同社會影響力上做唔到主導，只可以喺第一同第二代人設下嘅期望同標準上發展，結果只有好少數因為屋企人有錢，提供到雄厚嘅支持，以及佢本身係精英嘅關係而有能力喺社會上爭取到地位。但係由於第二代人依然佔據住一啲上級領導嘅職位，所以呢啲精英嘅職位流動性都受到限制。
第四代香港人
編輯再之後係第四代，即係大約1976年-1990年出世嗰一班，由於第一代同第二代重未肯退落嚟，第三代無辦法接替到，呢一代一出世就注定係失敗者，完全無機會。
參考
編輯出面網頁
編輯
 |