文明搖籃

(由四大文明跳轉過嚟)

文明搖籃西方史學概念,意思為文明起源地,亦即早期文明[1]

東亞中國日本咁,一般稱為文明古國,向來西方以舊大陸兩河流域古埃及古印度古中國為文明搖籃[1]。近世亦加入新大陸中間美洲古安第斯。唔同史學家亦有佢所添加,或者兩河流域再分拆,例如拆出古近東

舊底文明搖籃,同大河文明之說相配。大河生出農業,要人管理灌溉糧食多亦有餘裕生出商業,開,變得有組織架構。故此底格里斯河幼發拉底河尼羅河印度河恆河黃河長江出現文明。然而好似中間美洲同古安第斯,就唔涉及大河。

梁啟超寫咗首二十世紀太平洋歌[2],以文明搖籃為概念,寫出「地球上古文明祖國有四,中國、印度、埃及、小亞細亞是也文明。」後來變成四大文明古國一字,但同佢古文明祖國意思有偏差。

兩河流域

內文:兩河流域文明
內文:巴比倫

兩河文明係人類歷史上最古老嘅文明之一。古希臘人把兩河流域叫做「美索不達米亞」,意思係「河同河之間嘅地方」。美索不達米亞又分兩個部分,南邊叫巴比倫尼亞,北邊叫亞述。就今日嚟講,兩河流域相當於今日嘅伊拉克一帶。

兩河文明時代最早嘅居民係蘇美爾人,佢哋響公元前4000年以前就來到呢度,兩河流域嘅最初文明就係佢哋建立嘅。後來嘅阿卡德人、巴比倫人、亞述人以及迦勒底人,繼承同發展咗蘇美爾人嘅成就,令兩河文明成為人類文明史上重要嘅一頁。其中巴比倫人嘅成就最大,因此,兩河文明又稱為「巴比倫文明」。

古埃及

內文:古埃及

公元前47年,凱撒大帝進攻埃及嗰陣,戰火波及亞歷山大城圖書館。幾十萬冊用古埃及文字寫嘅經卷一把火燒晒,其中包括當時最完整嘅埃及史。呢部史書係亞歷山大大帝死咗之後,喺埃及自立為王嘅希臘將軍托勒密一世要求埃及嘅祭司兼學者馬內托(Manetho)所寫嘅。呢部「埃及史」燒咗可以話係一個損失。不過嗰時重有第啲著作引用咗呢本書嘅一啲內容,令古埃及歷史嘅一啲片段傳到今時今日。而家,埃及學者重用緊馬內托嘅劃分,但帝王興衰更替,同確實嘅年代,重有好多度唔清楚。

古印度

內文:古印度

早喺大概西元前2500年,即係而家嘅巴基斯坦,文明就已經開始產生,古城哈拉巴穆罕耶達羅嘅遺跡留有好多呢個早期文明嘅烙印。居民有度量衡同文字,識挖渠同運河。堡壘下嘅城市,係喺嚴謹計劃下起成嘅,神廟、住宅、浴室、街道,幾何形嘅G局同衛生系統嘅設計排水溝、運河等。出土嘅遺物非常豐富,包括黃金首飾同寶石、經雕刻過嘅石頭、青銅同土塑小雕像等。黃銅青銅多半用嚟製造器具同武器。陶器通常以輪狀捏製,用火燒成,並畫上幾何、花草同動物等圖案。

古中國

內文:中國

世界文明發達最早嘅國家之一,有將近4000年有文字可考証嘅歷史。發現喺雲南元謀嘅猿人化石元謀人」,距離而家大概170萬年,係中國境內已知最早嘅原始人類。距離而家四五十萬年前住喺北京周口店一帶嘅「北京人」,識企直咁行;識整同用簡單嘅架生;重識用,已經具備咗人嘅基本特徵。

經過漫長嘅原始社會,約莫喺西元前21世紀,出現咗中國史上第一個朝代──夏。繼夏而興起嘅(大概西元前16世紀—前11世紀)、西周(大概西元前11世紀—前770年)進入封建制度。之後就係春秋戰國(西元前770年—前221年),有人認為係由封建制度過渡去中央集權嘅階段。

  1. 1.0 1.1 "Key Components of Civilization".
  2. "二十世纪太平洋歌". 原著喺2010年10月22號歸檔. 喺2021年8月20號搵到.

睇埋

  • 愛琴文明(同四大文明古國同一時期嘅一個古希臘文明)