四大文明古國

(由四大文明跳轉過嚟)

四大文明古國係一個由二十世紀開始,喺東亞各地流行嘅亞洲中心觀點。呢種觀點認為,全世界有四個文明搖籃,分別係兩河流域文明埃及文明印度文明、同埋中國文明。呢種通俗嘅講法唔係學術理論,出處亦都不明。[1]

歷史

喺1900年,中國人梁啓超作咗篇文,叫做《二十世紀太平洋歌》,入面有一句:「地球上古文明祖國有四:中國、印度、埃及、小亞細亞是也。」,將呢四個文明發源地發展成穩定國家嘅時期命名為「河流時代第一紀」。有啲人認為呢句句子就係「四大文明古國」說法嘅起源。[1]

另外,日本有記錄話,日本嘅考古學者江上波夫喺第二次世界大戰之後,為咗打破歐洲中心史觀,所以就發明咗「四大文明」呢種講法,並且話文明起源有好多,講四大文明係貪口響。[2][3] 按照其他日本學者嘅調查,能夠搵到首先用「四大文明」呢個字眼嘅書亦的確係日本山川出版社同江上波夫合作,喺1952年出嘅教科書『再訂世界史』入面第一次出現。[4]

擴展

北韓聲稱佢哋自己有「大同江文化」,應該加埋落去四大文明度,所以算係「世界五大文明」。[5]

參考

  1. 1.0 1.1 川尻文彦 (2010). "近代中国における「文明」――明治日本の学術と梁啓超". 東アジア近代における概念と知の再編成 (日文). 国際日本文化研究センター. 35: 131–160. doi:10.15055/00002488. ISSN 0915-2822. {{cite journal}}: Invalid |ref=harv (help)
  2. 森安孝夫 (2011). "内陸アジア史研究の新潮流と世界史教育現場への提言(基調講演1,<特集>内陸アジア史学会50周年記念公開シンポジウム「内陸アジア史研究の課題と展望」)". 内陸アジア史研究 (日文). 内陸アジア史学会. 26: 8f. doi:10.20708/innerasianstudies.26.0_3. ISSN 0911-8993.
  3. 杉山正明 (2012年6月25日). "書評『マヤ文明』 青山和夫著" (日文). 読売新聞.
  4. 村井淳志 (2009). "この歴史用語--誕生秘話と生育史の謎を解く--「四大文明」は江上波夫氏が発案した造語だった!". 社会科教育. 明治図書出版. 46 (4): 116–121.
  5. "평양이 세계 5대 문명 발상지 중 한곳?" (韓文). 東亞日報. 2011年6月24日.{{cite news}}: CS1 maint: url-status (link)