《四年B班》（英文：P.4B）係香港電視網絡拍嘅電視劇，由陳宇琛、蔣祖曼、郭鋒、梁寶琪、呂熙、卓躒領銜主演，喺2013年7月開拍。
喺大人眼中嘅無聊小事，喺細路心中反而卻係最重要嘅。呢套劇透過細路嘅目光去睇世界有幾遼闊，佢哋點樣以既單純又堅決嘅一顆心去實現呢啲最重要嘅小事，等大人明白到唔應該用自己嘅一套嚟框住佢哋，任由佢哋純真嘅夢想飛翔！
內容描寫一班就讀津貼小學嘅四年級學生，佢哋啱啱自覺邁進咗高年級，不過又未能夠真正獨立思考。喺佢哋身上好容易會發生一啲令人啼笑皆非嘅事，不過往往又令人為佢哋嘅純真而感動。
