回南天係華南地區對一種天氣現象嘅叫法，通常指每年春季嗰陣，氣溫開始暖返而濕度開始升返嘅現象。
華南屬典型嘅海洋性亞熱帶季風氣候，所以每逢每年3月到4月嗰陣，由南中國海吹來嘅南風帶住暖而濕嘅空氣，同由中國大陸北面嚟嘅凍氣流撞埋，形成靜止鋒，使華南天氣陰晴唔定、好濕，間中有微雨或者大霧。
回南天嘅潮濕天氣，令部份樓嘅牆或地面滲水，衫、皮革同木製品都好易發霉。
