《回歸》（英文：Communion），係香港無綫電視製作嘅時裝電視劇，屬「回歸光影頌」系列嘅唯一連續劇（但播映嗰陣未有好似同一系列內嘅單元劇獲冠名），喺2022年7月11號首播。
呢套劇由郭晉安、陳煒、吳偉豪同周嘉洛領銜主演，並由戴祖儀、游嘉欣、徐榮、陳嘉慧、白彪同馬貫東聯合演出，汪明荃、石修、張國強、袁文傑特別客串，監製林志華。
劇情係講一對離婚夫婦分隔中港兩地經營粵菜菜館品牌（粵德居），喺香港主權移交廿五週年重修舊好一家團聚。
