回魂

回魂係指有啲宗教信人死咗，個魂魄會返番去生前嘅地方。道教話回魂嘅日子時間同方位係由死者嘅死嘅日子決定。

回魂嘅講法

道教信人死後個魂魄會離開肉體，魂同埋魄分開，魂會留喺地面，魄就鑽入地底，用死時嘅天干地支推計「魂頭高度」，魄以一日升一尺上返嚟，上到就係回魂夜。

推計「魂頭高度」

• 天干（日子）：
  • 甲/己=九尺、乙/庚=八尺、丙/辛=七尺、丁/壬 =六尺、戊/癸=五尺。

• 地支（時間）：
  • 子/午 =九尺、丑/未=八尺、寅/申=七尺、卯/酉=六尺、辰/戍=五尺、已/亥=四尺。

魂頭：最矮九尺，最高一丈八尺。

回魂夜

死者嘅屋企要準備香燭同祭品，做啲簡單拜祭，重有死者生前最鍾意嘅嘢食，畀佢嘅魂魄係返到屋企。如果信佛教，就唔好殺牲畜嚟做祭品。回魂夜家屬要匿喺房唔出嚟。