國家恐怖主義
國家恐怖主義，即係由某個國家對其他國家，對外國國民或對自己嘅國民進行嘅恐怖主義活動。
呢個詞彙頗具爭議，因為點樣定義恐怖主義本身喺學術同政治上都係充滿咗爭議，宣告某個國家涉及國家恐怖主義，會涉及到國際政治上嘅各種外交判斷。
定義
編輯「國家恐怖主義」，並未有一個正式嘅學術上或國際上有廣泛認受嘅定義。唔少學者認為，由政府當局執行嘅行動可以話係屬於「國家恐怖主義」。好似話，使用「恐怖主義」來表示主要目的係引起恐慌嘅暴力行動。
聯合國指引
編輯聯合國試過喺頒佈嘅《關於「反人類和平安全犯罪」》嘅草案法典度，提出咗有關國際恐怖主義嘅定義。
喺法典嘅第4條列明係「為政治目的，武裝由一國領土入侵另一國領土」；
第5條「由一國政府支持或執行造成另一國嘅內亂糾紛，或者該國當局對組織造成另一國嘅內亂糾紛予以容忍嘅」；
第6條「由一國政府支持或執行嘅對另一國嘅恐怖活動，或者該國當局對組織造成另一國嘅恐怖活動予以容忍嘅」，呢啲都係聯合國度對有關恐怖主義嘅規例。草案法典嘅第6條仲清楚描述咗國家有可能採取恐怖主義行動。依照呢部草案法典，國家可以畀認為進行恐怖主義活動犯罪。
國際人道法同規制恐怖主義嘅法律體系嘅主要區別
編輯國際人道法嘅一項基本原則係參與武裝衝突嘅人士，任何時候都必須區分平民同戰鬥員，以及民用物體同軍事目標。因此，國際人道法禁止故意或直接攻擊平民或民用建築，禁止不分皂白嘅攻擊。使用人體盾牌或挾持人質嘅做法同樣受到禁止。喺暴力局勢升級成武裝衝突陣，將呢類行為稱為「恐怖主義」並唔會起到額外嘅作用，因為呢啲行為經已構成國際人道法定義嘅戰爭罪。
喺國際人道法度，戰爭入邊嘅一啲特定行為以及針對戰鬥員嘅攻擊冇受限制；而喺針對恐怖主義嘅法例度，已默認係恐怖分子嘅任何行為都受到嚴厲禁止。此外，喺非國際性武裝衝突中，如果將啲人員稱為「恐怖分子」，就可能抑制佢遵守國際人道法。
對於國家恐怖主義嘅爭議
編輯喺社會科學同哲學領域，針對「恐怖主義」嘅討論大多係指非國家組織[1]。聯合國反恐怖主義委員會主席話過，前12份關於恐怖主義嘅決議都未涉及國家恐怖主義，因為呢個唔係一個國際法律概念，而濫用職權嘅政府應當受到國際公約中有關戰爭罪嘅國際人權法、國際人道法嘅審判，而唔係違反咗國際反恐法規[2]。
布鲁斯·霍夫曼博士話，分唔清國家同非國家嘅暴力會導致忽略一個事實，即「呢兩種暴力間嘅本質唔同」[3]。霍夫曼話，即使喺戰爭度，都存在規約同畀普遍接受嘅行為準則，即禁止使用一啲特定武器同策略，以及襲擊一啲特定目標。比如，《日內瓦公約》同《海牙公約》都列明，戰爭入邊禁止將平民當成人質，對平民或戰俘做出報復，入侵中立領土等。霍夫曼仲覺得，當國家違反咗呢啲規例，應該引用「戰爭罪」論處。