國藥集團
國藥集團（英文：China National Pharmaceutical Group Corp），全名中國醫藥集團有限公司或中國醫藥集團，係一間中華人民共和國國務院授權國務院國有資產監督管理委員會管理嘅國企，以醫藥健康做主要業務。
.jpg)
喺武漢肺炎疫情期間，國藥集團同佢哋旗下嘅子公司，因為研發肺炎嘅疫苗，而得到好多傳媒嘅關注，但亦有媒體報道關於佢哋嘅試劑同疫苗研發，涉及行賄問題，質量同副作用亦引起咗部份人嘅關注。
史
編輯國藥集團係1998年由多間公司合併而成，屬於國務院國有資產監督管理委員會，旗下有千幾間子公司同埋國藥控股、國藥股份、國藥一致、天壇生物、現代製藥、中國中藥六間上市公司。
爭議
編輯旗下上海捷諾生物科技涉嫌賄賂獲武漢肺炎測試劑合約
編輯喺武漢肺炎期間，全球各地唔少嘅醫療科技公司都研發生產試劑。不過，喺2020年12月，《美聯社》同《蘋果日報》等多個媒體就報道，上海捷諾生物科技、上海輝睿生物科技，同埋上海伯杰醫療科技三間公司，賄賂國家衞健委同埋其他衞生部門，獨家授權使用佢哋生產嘅測試劑。呢啲企業畀咗錢中國疾病預防控制中心，以攞到資訊同埋銷售權，價碼係每間公司一百萬元人民幣。但係呢啲測試劑品質好差，導致一段時間中國冇驗出任何確診案例，中國當局因此無限制大型集會或者外出旅遊，加上中國最高疾病管制機關遮遮掩掩嘅態度同埋裙帶政商關係，造成疫情迅速擴散並且喺全球各地爆發[1][2][3][4]。
而根據上海捷諾生物科技嘅網站，佢哋係國藥集團旗下嘅子公司[5]。
武漢肺炎疫苗試驗者出現神經病變
編輯2020年12月，秘魯喺國內試驗國藥集團嘅武漢肺炎疫苗，發現個別受試者出現神經問題，類似吉巴氏綜合症嘅情況，手腳四肢嘅活動受到影響。結果，秘魯政府要叫停臨床試驗[6][7][8]。
高層自爆前武漢肺炎疫情初期已經接種疫苗
編輯2021年3月6號，新浪網刊登咗《中國之聲》嘅報導，話中國國藥集團子公司國藥控股董事長于清明喺「兩會」期間透露，話國藥集團高層一年前已經接種武漢肺炎疫苗，而家都重有抗體，言論引起網上嘩然。而財聯社引述《健康時報》報導，2020年3月，即係武漢疫情爆發兩個月，國藥集團四級企業黨政負責人就已經接種咗疫苗。有人質疑，國藥集團喺武漢封城之前，就已經知道武漢肺炎嘅傳染力，呢次報道係當局隱瞞疫情又自曝疫情嘅一大鐵證，亦有武漢疫情受害者家屬話，武漢組織過一次防疫演練，正正就係防武漢肺炎病毒，咁樣正好說明，喺武漢爆發就係故意嘅謀殺犯罪行為[9][10][11]。
武肺疫苗功效成疑
編輯雖然國藥集團開發咗針對武漢肺炎嘅疫苗，不過佢哋嘅成效就受到質疑，甚至有人接種後被確診武漢肺炎。
2021年奧運前夕，唔少國家都關注運動員打疫苗嘅情況。中國奧委會向國際奧委會提出咗，為參賽選手提供中國國藥集疫苗嘅建議，但係澳洲同日本都表明，唔會使用呢啲疫苗[12]。
另外，喺唔同地方，例如香港同巴基斯坦，都有個案係病人接種咗國藥嘅疫苗之後確診患上武漢肺炎，例如巴基斯坦總理[13][14]。
參考
編輯- ↑ 〈武漢肺炎｜美聯社揭中國官商勾結致全球爆疫 劣質試劑令確診「清零」〉。《Apple Daily 蘋果日報》 (香港中文)。原著喺2020-12-04歸檔。喺2020-12-06搵到。
- ↑ 〈美媒揭露中國官商勾結 劣質測試劑導致疫情爆發〉。《RFI - 法國國際廣播電台》 (繁體中文)。2020-12-05。喺2020-12-06搵到。
- ↑ 高江進 (2020-12-04)。〈美聯社報告：3中企走後門奪病毒檢測組分發權 致武漢初期難抗疫〉。《香港01》 (香港中文)。喺2020-12-06搵到。
- ↑ 〈美聯社：中國官方與生技企業勾結 錯失抗疫先機 | 國際 | 重點新聞 | 中央社 CNA〉。www.cna.com.tw (中文)。喺2020-12-06搵到。
- ↑ 〈首页-上海捷诺生物科技有限公司〉。www.geneodx.com。喺2020-12-06搵到。
- ↑ 張子傑 (2020-12-12)。〈【新冠肺炎】秘魯暫停中國國藥疫苗臨床測試〉。《香港01》 (香港中文)。喺2020-12-13搵到。
- ↑ 〈试验者出现神经病变 秘鲁停用中国国药集团疫苗〉。《早报》 (簡體中文)。2020-12-13。喺2020-12-13搵到。
- ↑ 〈秘魯暫停國藥集團在當地的新冠疫苗臨床測試〉。《Now 新聞》 (香港中文)。喺2020-12-13搵到。
- ↑ 〈国药集团高层曝一年前接种疫苗 民间闻言一片哗然〉。Radio Free Asia (英文)。喺2021-03-10搵到。
- ↑ 〈國藥控股高層披露接種疫苗已經1年 ，那麼疫苗啥時開始研發的？〉。《RFI - 法國國際廣播電台》 (繁體中文)。2021-03-08。喺2021-03-10搵到。
- ↑ 〈武漢肺炎｜國藥高層自爆去年3月已打疫苗 醫生：或屬內部員工自願試藥 ｜ 蘋果日報〉。《Apple Daily 蘋果日報》 (香港中文)。原著喺2021-03-11歸檔。喺2021-03-11搵到。
- ↑ 〈【東京奧運】澳洲隊表明不會使用中國疫苗〉。SBS Your Language (繁體中文)。喺2021-03-15搵到。
- ↑ 〈【疫苗外交】巴基斯坦總理染武漢肺炎 確診前兩日接種中國國藥疫苗 | 立場報道 | 立場新聞〉。《立場新聞 Stand News》 (英文)。原著喺2021-03-21歸檔。喺2021-03-21搵到。
- ↑ 〈眾新聞 | 56歲婦福建打兩劑國藥疫苗後返港確診 衞生署暫列有待分類個案 醫生倡抗體測試助源頭追蹤〉。《眾新聞》 (中文)。原著喺2021-04-21歸檔。喺2021-04-21搵到。