蘋果日報 (香港)
呢版要更新，以反映最新情況。加完料之後唔該拎走個模。 |
呢篇文講香港嘅《蘋果日報》。想搵台灣嘅《蘋果日報》嘅話，請睇蘋果日報 (台灣)。《蘋果日報》（英文：Apple Daily），係壹傳媒集團旗下一份繁體中文報紙，香港版喺1995年6月20號開始出，曾經係長期最暢銷三大香港報紙之一[3][4]。集團創辦人為黎智英。
 | |
| 類型 | 日報 |
|---|---|
| 擁有人 | 壹傳媒 |
| 創辦人 | 黎智英 |
| 社長 | 張劍虹 |
| 主編 | 羅偉光 |
| 創辧日期 | 1995年6月20號 |
| 政治立場 | 民主派 |
| 語言 | 繁體中文 |
| 停刊日 | 2021年6月24號 |
| 總部 |  香港新界將軍澳將軍澳工業邨西駿盈街8號 |
| 發行量 | 每日平均銷量91,288份（2019年4月至9月），網站「每月獨立非重返用戶人數」有500萬人（只計香港用戶，2018年4月至2019年2月）[1] |
| 網站 | hk （2013年點擊率約每日3,000萬）[2] |
2010年代嘅香港政治環境，蘋果日報令少數親中派極端社運藍絲帶斷言佢同美國聯邦政府關係，反蘋果人士會叫佢做「爛果日報[5]」、「毒蘋果[6]」。
因為政府引用北京未經諮詢或香港人同意嘅《香港國家安全法》，拉咗壹傳媒同蘋果日報多名高層，蘋果日報被逼停止運作。《蘋果日報》最後一份實體報紙喺2021年6月24號出版，當日出售100萬份實體報紙，香港多區有市民排隊購買，甚至有市民通宵排隊等候報紙運抵報紙檔。澳門氹仔市區、高士德、新馬路等地當日傍晚亦出現人龍排隊購買蘋果日報。
歷史
編輯1995年，黎智英為香港蘋果日報拍咗一輯電視廣告，口號「每日一蘋果，冇人呃到我」。
1997年香港主權移交後，多數嘅香港傳媒都為咗自保而淡化中國共產黨嘅負面消息，而《蘋果日報》重係要報導大陸負面新聞，所以一直受到政府同爪牙所禁制打壓[7]，甚至有親中人士多次用非法暴力反蘋果同黎生，例如喺2014年，有三個人向當時正參與和平佔中嘅黎智英淋屎尿掟豬雜、對員工進行死亡恐嚇、包圍壹傳媒大樓，甚至縱火，由呢類暴力打壓同每日新鮮嘅大陸黑新聞，都會令香港人同各地反共人士經常對中共黑歷史：文化大革命、六七暴動、六四鎮壓等等進行回帶。
香港蘋果日報喺2012到2013年期間因為中港矛盾嘅關係，成日叫中國大陸做「強國」，而大陸人就被稱為「強國人」（「強國」一詞，原本係指「強大嘅國家」，但對中國黑暗面上，用呢種代名詞，變成一種明讚暗彈，因為喺2003年，中國繼美國、俄羅斯之後，正式升呢成為「太空強國」，而且因為萬里長城同埋防火長城嘅關係，所以有呢個名）。
2020年《香港國家安全法》通過之後，壹傳媒同蘋果日報已經有多名高層被指觸犯港版國安法俾差人拉咗，喺將軍澳工業邨嘅大樓亦多次俾差人搜查。2020年8月10號，黎智英因為觸犯港版國安法而畀差人拉咗。
被逼停刊
編輯《蘋果日報》5名管理層喺6月17號，被指違反國安法遭警方拘捕，《蘋果》等三家公司亦被保安局凍結 1,800 萬元嘅資產。
6月23號，《蘋果日報》管理層根據壹傳媒集團董事局公佈，考慮到員工安全同人手，決定由午夜起停止運作，網站亦同時停止更新，最後一份實體報紙會喺第二朝出[8]。事件引起咗除咗香港之外，仲有全球好多人嘅關注。佢哋普遍憂慮，喺北京繞過香港強行訂立《港版國安法》嘅情況後，香港嘅言論同新聞自由會蕩然無存。
《9點半蘋果新聞報道》
編輯2020年10月5號開始，《蘋果日報》每日製作新聞報道節目《9點半蘋果新聞報道》，每日夜晚9點半至10點左右透過蘋果日報YouTube頻道、Facebook專頁同「果燃台」進行串流直播，中途會喺大約夜晚9點45分左右播出一至兩分鐘廣告。節目主要播出將喺翌日上載嘅蘋果動新聞片段作為新聞報道內容，不時亦以壹傳媒旗下《果籽》、《健康蘋台》、《蘋果驗樓王》、《飲食男女》同《港古佬》所製作嘅短片作為軟性新聞播出；節目完結前會有天氣環節。11月2號開始不定期會加入「和你Talk」環節，主要邀請泛民主派人士（包括黃之鋒、譚文豪同曾志豪等）評論重點新聞，並喺相關新聞後播出。
鑑於2021年6月公司財產畀政府凍結而被迫停運，及後有員工因不滿壹傳媒集團董事會無作出遣散嘅安排，因而即日遞信辭職。由於蘋果動新聞大量剪接師辭職，部門難以運作，《9點半蘋果新聞報道》提早喺6月21號播映最後一集，而蘋果動新聞亦同時停止運作。最後一集《9點半蘋果新聞報道》由記者謝馨怡擔任主播，佢喺前一日（20號）先首度擔任呢個節目嘅主播。
停播之前每集節目由一位主播主持，星期一至四通常由曾美華或者陳美茵主持，其餘日子由《蘋果日報》記者黃珮琳、于健民、王春怡、鄧溢禧、方榆汶、盧熙林、玲笙或者謝馨怡主持。
特色
編輯睇埋
編輯- 蘋果照妖鏡：關於一啲由《蘋果日報》刊登，銳利度同雜訊都極高嘅相，會將唔少人影得好樣衰。
參攷
編輯- ↑ 截至二零一九年九月三十日止的中期業績（繁體中文）
- ↑ 沙膽虹 (2013年4月30號)。〈沙膽虹手記：大個仔要獨立〉。原著喺2015年3月18號歸檔。喺2021年4月28號搵到。
{{cite journal}}: Cite journal requires|journal=(help) - ↑ 根據 壹傳媒有限公司 互聯網檔案館嘅歸檔，歸檔日期2011年8月23號，. 壹傳媒公佈資料，《蘋果日報》係香港第二大最暢銷中文報章
- ↑ Top Sites in Hong Kong 互聯網檔案館嘅歸檔，歸檔日期2011年12月6號，. 根據2012年1月Alexa統計 壹傳媒網站在香港排行第七 為香港傳媒排行最高
- ↑ 〈港東港西\爛蘋果視頻當人雙目失明\鄭晴〉。www.takungpao.com.hk。喺2021-05-31搵到。
- ↑ 〈香港獨禍最毒《蘋果》〉。《東方日報》 (香港中文)。喺2021-05-31搵到。
- ↑ 恐遭北京敵視 港媒「自我審查」 中國時報 朱建陵/專題報導 2007年7月1日
- ↑ 《蘋果日報》午夜後停止運作 蘋果記者囑港人：繼續為相信的價值做堅持的人，明報，2021年6月23號