地利根德閣係香港半山區私人住宅屋苑，響地利根德里。屋苑一共3座，由置地同聯合地產發展。當中第一、二座有34至33層，1981年起好，有68個住宅單位，原本嘅第三座就得15層。喺1988年，鷹君向置地同聯合地產買晒屋苑全部權益之後，發現地積比未用盡，於是喺1990年拆咗舊嘅第三座。重建後嘅第三座高220米，有66層，喺1993年起好，有185個住宅單位，曾經係全世界最高嘅住宅大廈。
