坑口 (香港)

坑口係香港新界西貢區一個地方，喺將軍澳市中心東面，寶林南面，而家坑口嘅土地，大部分都係原來嘅鴨仔灣（即係水邊村一帶）填海得嚟。

坑口

史

以前西貢孟公屋村附近有一條大水坑，水流源源不絕，並喺度流入大海，所以就叫做坑口。喺1980年代之前，坑口近住將軍澳海灣，而坑口附近有一條叫做水邊村嘅村落，印證咗坑口對開原本就係水邊。喺1960至1980年代，坑口曾經係拆卸大型船隻嘅地方。

開發新市鎮之前，除咗水邊村之外，坑口附近重有坑口村、半見村同埋田下灣村等。

1989年政府發展坑口新市鎮，第一批住宅喺1990年落成。