城門河

城門河係香港新界中部嘅一條河，主要喺沙田區，係香港發源地最高嘅河流，條河嘅幹流係大城石澗，大城石澗發源喺大帽山山頂南面海拔大約930米嘅地方^[1]。城門河嘅中游有兩個水塘，下游嘅兩邊起咗唔少多層住宅大廈，亦有商業同工業大廈，並有多條橋橫跨城門河，方便居民往來兩岸。今日嘅城門河下游大部分係人工河道。