基督教靈基營暨中心
基督教靈基營暨中心，又叫靈基營，係香港一間宿營營舍，喺新界沙田區城河東，秦石邨東面嘅小山丘上面，由香港神託會打理，而家用做退修中心之用。
史
編輯靈基營嘅前身係舊沙田警署，喺1924年起，同對面銅鑼灣山嘅警署相對。香港日治時期，由於當時未有進行填海，所在嘅位置能夠俯瞰整個沙田區，因此成為咗日軍指揮中心。國共內戰之後，有宣教士將該處改做孤兒院，後來喺1964年增設基督教靈基學校同幼稚園。1966年孤兒院停辦，並喺1973年成為靈基學校嘅一部份。1980年，整個建築群由香港神託會正式接管，叫做香港神託之家基督教靈基營暨中心，為青少年同兒童提供宿營服務。
2008年，香港神託會得到香港公益金贊助，耗資120萬港元重修營舍，並以社會企業模式設立退修中心。退修中心可供任何宗教嘅人士、團體同企業作靜修、研討會、訓練營、工作坊或歷奇訓練等用途。
建築
編輯起喺1924年嘅舊沙田警署建築，喺2010年8月31號被評為香港二級歷史建築。警署建築佈局呈U字形，前面採用中式瓦頂，牆身就採用英式紅磚，結合咗中西方建築風格。建築物所設計嘅用鐵架支撐同欄杆圍繞嘅陽台，同埋木製嘅樓梯，仍然保存良好。
設施
編輯靈基營提供1人房至10人房，一共有81個宿位，並設有活動室、西式茶座同精品店等設施。
參考
編輯- 三級歷史建築 靈基營變退修中心，《明報》，2009年1月31號