基馬拉斯大馬路空中走廊

基馬拉斯大馬路空中走廊又叫基馬拉斯大馬路空中綠廊係氹仔市中心區慢行交通計劃構想之一，呢嗰方案構思係沿氹仔基馬拉斯大馬路中間起一條空中步道，為呢區居民提供方便、舒適嘅行人環境連接中央公園、區入面嘅學校、同埋起緊嘅運動場道輕軌站之類嘅設施，空中走廊亦可以作為基馬拉斯大馬路嘅行人天橋設施，結合街道美化同重整運動場圓形地之類嘅工作，優化附近嘅步行環境，形成呢區慢行嘅交通環境。空中走廊沿基馬拉斯大馬路嚟起，跨越南京街、哥英布拉街、成都街、布拉干薩街同運動場圓形地，經運動場道連接運動場輕軌站。

背景

2012年12月21號，土地運輸工務局參考咗望德聖母灣大馬路步行系統嘅成功經驗，提出進一步延伸氹仔步行系統建設，提出基馬拉斯大馬路空中走廊計劃，之後發展到氹仔四大步行系統規劃，包括基馬拉斯大馬路起空中走廊、亞利雅架圓形地起行人天橋、湖畔花園到龍環葡韻起步行徑、小潭山起觀景台，話會爭取響2016年全部搞掂。

2014年11月21號，土地運輸工務局透過社區傾計、整展覽板、電話調查之類，向氹仔居民介紹有關項目計劃同瞭解氹仔居民嘅出行習慣同對呢個計劃嘅意見，響政府完成最初研究方案嘅基礎到，進一步同居民說明同溝通，務求完善同落實最終設計，爭取出年招標。

2018年1月1號，土地運輸工務局為咗爭取全長七百米左右嘅基馬拉斯大馬路空中走廊計劃響今年動工，再響原來計劃到優化基馬拉斯大馬路同運動場圓形地天橋落腳點同位居、天橋橋面淨寬改做四米，同埋調整天橋體型同整體高度、重整運動場圓形地重調整圓形地各個出入口，閂減天橋橋面嘅電動行人輸送帶、單車徑、而綠化帶改做簡單綠化裝飾等。而響2012年話過要響2016年搞掂嘅氹仔四大步行系統入面，只有基馬拉斯大馬路空中走廊同亞利雅架圓形地行人天橋重未落實。

意見

支持

1. 起空中走廊會減少斑馬線，增加車流疏導，改善行車安全。
2. 由輕軌站落車可直接行上去空中走廊，唔洗再穿越斑馬線過馬路。

反對

1. 行人過馬路被逼上天橋，冇得直接行過對面馬路，冇噉方便。
2. 起空中走廊會搞到附近低層住戶睇唔到風景，行人發出嘈音會影響到低層住戶，進一步影響樓價。