堅拿道天橋

香港道路

堅拿道天橋Canal Road Flyover)又叫鵝頸橋,係香港行車天橋,喺香港島灣仔,因爲喺堅拿道上面而名。香港政府定佢入1號幹線。條天橋駁埋黃泥涌峽天橋北面同香港海底隧道銅鑼灣出口,全程雙線到三線雙程分隔。日常生活中會當黃泥涌峽天橋係堅拿道天橋一部份。

堅拿道橋面

鵝頸橋呢個名本嚟係指舊時軒尼詩道橫跨鵝頸澗嘅橋,但隨住鵝頸澗改做暗渠,嗰度已經完全搵唔到橋嘅痕跡,而鵝頸橋呢個名就變咗用嚟稱呼堅拿道天橋。

堅拿道軒尼詩道交界一段堅拿道天橋底,有專人提供打小人服務