報喪女妖
報喪女妖（粵拼：bou3 song1 neoi5 jiu2；英文：banshee，讀音似粵拼：ben1 shi4，嚟自愛爾蘭蓋爾文：Bean Sidh，大致係仙子女噉解）係愛爾蘭民間故仔入面嘅一種靈，有陣時亦都會畀人當做仙子嘅一種[1]。
特徵
編輯報喪女妖最大嘅特徵係「會報喪」：根據民間傳說，當一個人就嚟要死嗰陣，報喪女妖就可能會現身；隻報喪女妖會喺即將要死嗰個人屋企外尖叫或者喊，而佢嘅叫聲往往會令周圍嘅人不寒而慄；外形上，報喪女妖多數會係年老嘅女人、似鬼魂、著住長同灰黑色嘅斗篷、長頭髮、而且對眼因為喊得多而紅嗮[2]。
根據多數故仔嘅描述，報喪女妖冇惡意唔會害人，不過始終佢哋出現表示「就嚟有人死」，所以啲人普遍都唔多想見到佢哋。
現代
編輯廿一世紀嘅奇幻故仔有時會提到報喪女妖，而且報喪女妖嘅形象仲出現咗變化，例如有啲作品會對報喪女妖條橋段作出創新，做出「報喪女妖唔係死亡嘅先兆，而係帶嚟死亡嘅惡靈，聽到佢哋嘅叫聲會引致死亡」噉嘅設定[註 1]。
