報復性罷免
喺台灣，近年有一啲泛綠人士，因為某啲原因而遭到一啲唔支持佢哋嘅人根據《公職人員選舉罷免法》針對，發起罷免程序。好多時候呢啲罷免案都得到國民黨嘅支持，而部分泛綠陣營嘅人士就形容呢啲罷免案係報復性罷免。
背後動機
編輯有民進黨人士認為，國民黨持續透過報復性罷免激化政治對立。而喺黃捷罷免案入面，有人用黃捷聲援香港民眾違反未經香港人同意由北京等方面要求訂立嘅《香港國安法》為理由，用北京嘅標準審查台灣民意代表嘅言論，顯示罷免黃捷嘅理由牽強荒謬[1]。
另外，東海大學政治學系教授沈有忠亦曾經發表文章，話呢啲針對泛綠陣營嘅罷免案，好大程度係因為泛藍同韓國瑜嘅支持者，喺韓國瑜遭到罷免後而發起，做法突顯台灣政黨惡鬥同埋排名制度嘅漏洞。佢又話，針對王浩宇嘅罷免案係同王浩宇嘅爭議言論有關，而針對韓國瑜嘅，主要係因為佢放棄市政[2]。
身為罷韓四君子、台灣基進新聞部主任嘅張博洋喺2021年嘅時候曾經就話，從王浩宇、黃捷到陳柏惟等罷免案，其實係國民黨針對細黨嘅狩獵、狙擊行動，久而久之呢啲選區嘅多元聲音就會被扼殺，咁樣絕對唔係市民之福[3]。
被部分意見視為報復性罷免案嘅例子
編輯外間評論
編輯參考
編輯- ↑ Storm.mg (2021-01-18)。〈幕後》不忍了！國民黨「報復性罷免」激化對立 民進黨將出招反擊-風傳媒〉。www.storm.mg (臺灣中文)。喺2021-10-05搵到。
- ↑ 聯合新聞網。〈沈有忠／報復性罷免？罷免制度的爭議，與走向極化的台灣社會 | 思想坦克〉。《鳴人堂》 (中文)。喺2021-10-05搵到。
- ↑ 〈「刪Q行動」今啟動 陳柏惟：被罷免掉就離開〉。《鏡週刊 Mirror Media》 (繁體中文)。2021-02-01。喺2021-10-05搵到。
- ↑ 自由時報電子報 (2021-10-25)。〈社論》遏阻「報復性罷免」逆流 - 自由評論網〉。《自由時報電子報》。喺2022-01-04搵到。