中國共產黨

	中華人民共和國
	; 呢篇文係關於; 中華人民共和國; 政府同政治
	中華人民共和國憲法; 最高領導人 / 國家元首; 習李體制 / 李克強政府
	中國共產黨
	全國代表大會; 中央委員會總書記：習近平; 中央政治局政治局常委會; 中央書記處; ; 中央軍事委員會主席：習近平; ; ; 中央紀律檢查委員會書記：李希; ; 中共中央黨校校長：陳希; ;
	中華人民共和國政府
	全國人民代表大會全國人大常委會委員長：栗戰書; ; ; 國家主席：習近平國家副主席：王岐山; ; 國務院總理：李克強副總理：韓正、; 孫春蘭、胡春華、劉鶴; ; ; 中央軍事委員會主席：習近平; ; 中國人民解放軍; 國家監察委員會主任：楊曉渡; ; 最高人民法院院長：周強; ; 最高人民檢察院檢察長：張軍; ;
	地方行政區
	統一戰線
	中國人民政治協商會議全國委員會主席：汪洋; ; ;
	民主黨派
	選舉
	睇埋
	一國兩制; 香港政治 / 澳門政治
	兩岸關係; 中華民國政治 / 台灣政治
	各國政治 • Portal:政治; 睇吓 • 討論 • 編輯 • 歷

中國共產黨（粵拼：zung1 gwok3 gung6 caan2 dong2 ），簡稱中共（粵拼：zung1 gung6），係中華人民共和國嘅唯一執政黨。中國共產黨喺1921年成立，以實現共產主義為最終綱領，1949年喺中國大陸地區取得軍事上嘅勝利，打敗由中國國民黨領導嘅軍隊，並喺北京建立中華人民共和國，實行一黨專政下嘅人民民主專政統治。

共產黨

執政黨

其他

已經冇咗

宣布咗放棄馬列主義

相關嘅主題

共產黨一覽

2018年，中國共產黨有黨員9059.4萬^[1]，係全世界第二大嘅政治團體^[2]。而家個阿頭係中央委員會總書記習近平。喺胡錦濤同江澤民時代，中國共產黨高層人事變動、權力轉移上已大幅制度化同埋透明化，但到咗習近平主政之後重新加強中國共產黨對國家嘅全方位控制，確立黨嘅絕對領導地位。

同其他組織一樣，中國共產黨入面都有唔同派系，例如團派、江澤民派系、習近平派系等等。

現任中央政治局常委改

有別於多數名義上嘅社會主義國家，中華人民共和國容許官民合營嘅資本（寡頭）壟斷本國市場，而由於陸港澳市場加埋好大，毋少企業（華為、工商銀行傍阿里巴巴等）得以急速擴張，（一度）擁有同名義上嘅資本主義國家之龍頭對手喺國際市場上一較高下嘅底子。中共培育大量本地體育人才，對於外地嘅猛料，偶然會忽略法律問題，照樣吸納，渠等喺奧運等國際賽事獲獎無數，甚至勁過毋少發達國家，令好多其他中國人亦感到光榮。

中共全權管理嘅大陸，將性別平權做得好過大把其他發展中國家（台灣、香港傍澳門皆為已發展地區，唔計），各種紙上規則訂立得男女大致平等，亦冇整尐針對性小眾嘅懲罰性法例出來。

對外：中共自統治大陸以來，屢次退兵或／及簽約割讓領土（主要受益者乃俄羅斯，次要者為印度，再者係北韓）畀外國，避免（繼續）打仗，縱使渠自己長年以激烈言論要求日本將大清喪失嘅釣魚台等島嶼交畀渠，始終按兵不動，當外國漢人被種族屠殺，亦無出手阻止；香港傍澳門亦靠中共用嘅談判及社運等手段，唔經戰爭恁脫離外族政權；中共曾經同蘇共結盟，由渠手上得到徂毋少尖端核子傍航天技術，因此好早識得整原子彈傍洲際導彈，渠係個於冷戰時期，代理人戰爭無發生喺大陸嘅主要原因。對內：中共立國之後，喺大陸嚴格恁一黨專政，未試過（有事件被正史記載成）軍事政變或內戰，亦無新嘅實際政權出現，好過大把其他二流國家。

中共統治嘅地域經常俾領導者搞出來嘅人禍害到民不聊生，有大把中國人因此極之驚渠；於多個時期，窮人紛紛為徂避難而冒死偷渡去香港傍澳門，有命抵埗嗰班有好多做徂廉價勞工，令嗰兩笪殖民地嘅勞動型產業蓬勃發展；去徂外國留學嘅大陸學生，有大把由於擔心中共於未來喺故鄉搞嘅社會運動會以自己為攻擊目標，而毋肯返去，尤其是撈得掂嗰班，其中成為海外學術界精英者多不勝數；等到雨遮運動結束，原本有較多民主元素嘅多種香港制度方向明確恁樣急劇大陸化，有尐方面甚至變得專制過同期嘅渠，靠技術搵食嘅居民於是寧願放棄已有嘅事業基礎，都要舉家投奔異邦，以換取後代嘅褔𧘲，爾班以中產階級為主嘅專業人士對新家園之知識型產業作出徂重大貢獻。

中共實際行過嘅治國路綫主要係官僚社會主義傍官僚資本主義之兩類制度，渠等導致資產嚴重流失；由渠就快立國時開始，有大把前朝嘅大陸資本家為徂避免財產被充公，而走路去香港、澳門傍台灣，以其資金喺該三地建立工業傍商業架步，振興其經濟；到徂改革開放時期，中共忽視勞工權益傍環境保護嘅態度吸引到大量外地投資，龐大嘅工業系統得以建立，造就無數靠營商傍／或貪污發達嘅老闆傍／兼官員，渠等當中有好多惟恐俾政府依法或冤枉收拾，往往會連人帶錢移民去異國或港澳台，目的地嘅社會因此只需要付出細微代價，就可以令其金融系統獲得鉅量民間資本（港澳收歸中共前後，類似嘅有錢人逃亡潮亦見於爾兩處）；中共正式得到澳門主權之後，好快就批准以美國為主嘅外來企業喺當地開賭場，爾尐公司善於借助跨境（傍跨國）犯罪集團嘅力量，搏命賺走大陸豪客嘅（乾淨傍邋遢）財富，該城連帶受益，變得非常富庶，雖然中共久唔久就會出尐新招迫渠等收斂，但係到徂武漢肺炎大爆發時期，其生意規模先至明顯萎縮（兼一蹶不振）。

中國共產黨政府不時會針對一啲異見或者民主運動人士（包括香港、中國內地等地），話佢哋係漢奸。但有啲人就會引用歷史事件或者其他觀點反駁，話真正嘅漢奸其實係中國共產黨，或者係中共嘅一啲領導人物。

「中共」係個「中國共產黨」嘅官方簡稱，通常意思中性。然而，亦有少數包含「中共」嘅詞語，例如「中共國」同「中共人」，由於只得反對者會用，因此語帶貶義；弦外之音係「中共」並非「中國」嘅正統／合格成員或適當／全權擁有者。

因為中華人民共和國由中國共產黨一黨專政，所以「中共」亦解作「中華人民共和國政府」。喺大陸，唔附帶辨別資料噉樣提個「黨」字，一般指「中國共產黨」。