塔瑪麗女王
塔瑪麗女王（亦有人譯做塔瑪爾女王或塔瑪拉女王）（格魯吉亞文：თამარ მეფე，Tamar Mepe，Mepe係格魯吉亞文嘅國王嘅意，c. 1160年—1213年1月18號）係格魯吉亞王國頭一位女皇帝，在位時期係西元1184年至1213年。佢延續咗格魯吉亞王國嘅黃金時期。塔瑪麗女王由格魯吉亞正教會封聖，瞻禮日係喺儒略曆5月1號。
.jpg) | |
| 格魯吉亞女皇 1184年3月27號年1213年1月18號 | |
|---|---|
| 性別 | 女 |
| 出世 | c. 1160年 |
| 過世 | 1213年1月18號，亦可能係1210年或1207年 格魯吉亞阿加蘭城堡 |
| 國籍 | 格魯吉亞王國 |
| 宗教信仰 | 格魯吉亞東正教 |
| 配偶 |
|
| 父母 |
|
| 親屬 |
|
生平
編輯早年
編輯塔瑪麗大約1160年出世，喬治三世同埋亞蘭王國公主布爾杜汗所生，係巴格拉季昂王朝嘅成員。
1177年，格魯吉亞嘅貴族推舉喬治三世嘅侄仔德姆納為皇，嘗試推翻喬治三世，叛軍被打敗後，喺1178年開此塔瑪麗同佢老竇一齊執政。
1184年，喬治三世死後，塔瑪麗成為格魯吉亞唯一皇帝。
第一次婚姻
編輯塔瑪麗一開始成為女皇嘅時候，因性別同埋經驗少而畀格魯吉亞嘅貴族睇低，嘗試從中取利，喺好多事上向貴族讓步。當時貴族推舉弗拉基米爾-蘇茲達爾大公國王子尤里·博戈柳布斯基成為佢老公，尤里喺戰將上好打得，但係佢同塔瑪麗嘅關係唔好。
1187年，塔瑪麗成功以尤里酗酒為原因同佢離婚，流放咗佢去君士坦丁堡。同年，格魯吉亞大主教邁克爾死咗，加上宮廷中塔瑪麗嘅支持者越嚟越多，令塔瑪麗喺格魯吉亞王國嘅權力更大。
第二次婚姻
編輯1191年，塔瑪麗揀同佢嘅遠親亞蘭王國王子大衛·索斯蘭結婚。大衛亦都係擅於軍事，對日後塔瑪麗幾次打敗尤里嘅支持者同埋出征好有幫助。
外交同埋出征
編輯特拉比松帝國嘅成立
編輯1204年4月12號，君士坦丁堡畀第四次十字軍東征侵佔，拜占庭帝國被瓜分。塔瑪麗派兵幫拜占庭皇帝安德洛尼卡一世後人親戚阿歷克塞一世同埋大衛搶返細亞細亞一部分領土，成立特拉比松帝國。
阿尤布帝國
編輯1187年撒拉丁成功喺十字軍手中攞返耶路撒冷城，塔瑪麗同佢嘅宮廷擔心喺耶路撒冷附近以及聖地嘅格魯吉亞僧院嘅安全。塔瑪麗派人要求阿尤布方交返僧院比格魯吉亞，薩拉丁嘅回應冇被記載，但雙方成功達成協議。根舉阿卡主教，喺聖地一帶，嚟朝聖嘅基督徒都要向人交錢，唯獨係格魯吉亞人唔使，可見格魯吉亞喺聖地有一定嘅影響力。
1208年格魯吉亞派兵攻打阿赫拉特城，阿尤布蘇丹阿迪爾一世親自領兵。伊万將軍被阿尤布捉咗，最後雙方簽定三十年和約，格魯吉亞交出100,000第納爾，割27座城堡，放5000名戰俘同埋伊万將軍嘅女同佢對方定婚，阿尤布方就釋放伊万將軍，雙方以阿拉斯河為界。
格魯吉亞嘅黃金時期
編輯格魯吉亞王國喺塔瑪麗統治之下延續咗由佢太爺大衛四世時候開始嘅黃金時期，喺各方面都達到有史以嚟最鼎盛。
政治
編輯
喺塔瑪麗統治之下，格魯吉亞喺大高加索山脈越嚟越強大，喺塔瑪麗臨終前，格魯吉亞嘅版圖北至切爾克西亞，南至凡城，西至錫諾普，東至巴庫，成個高加索地區都係格魯吉亞嘅屬土。佢稱號係「神意所歸，阿布哈茲人、卡特維爾人、阿蘭尼亞人、卡赫季人、亞美尼亞人嘅眾王之王同埋眾后之后，希爾凡沙阿同埋沙汗沙，全東西方嘅君主，世界同埋信仰嘅榮耀，彌賽亞嘅捍衛者」。
文化
編輯喺塔瑪麗統治之下，格魯吉亞嘅文化亦都達至最鼎盛。格魯吉亞嘅文化被拜占庭同埋伊朗影響，塑造出獨特嘅文化。當時格魯吉亞嘅教堂林立，規模比起以往嘅大，風格近似拜占庭風格，塔瑪麗因此而得「彌賽亞嘅捍衛者」稱號。當時文獻同埋文學作品都比以往多，最出名嘅有紹塔·魯斯塔韋利嘅史詩。
