士林夜市

士林夜市係臺灣臺北市士林區一個夜市，有好多賣臺灣特色小食嘅檔攤，吸引好多當地人同外地遊客去行。

歷史

早期商人喺士林完成農產品買賣交易後，喺附近嘅三腳渡裝貨，沿基隆河經過番仔溝轉去淡水河，將貨物送去大稻埕、艋舺等地。

1909年，設立「士林市場」。過去嘅交易主要集中喺媽祖廟「慈諴宮」廟前嘅廣場，然而市場攤販逐漸侵佔廟宇用地，於是慈諴宮起圍牆保留僅存嘅狹窄廟地，圍牆只可以任得啲攤販用。
1913年，興建士林市場。
1998年，啟用嘅士林市場被列為市定古蹟。
1999年，士林市場進行規劃改建。
2002年10月14號，由於通風、衛生、環境、公共安全等問題，將原士林市場攤販移去文林路同基河路口、台北捷運劍潭站對面嘅「士林臨時市場」。臺北市政府將原士林市場拆除改建，淨係留返日治時代嘅磚造市場建築。舊士林市場改建成地面2層，地下3層式建築物。士林市場飲食類攤位會搬返原址地下一樓。
2011年12月，士林市場改建完成，攤商開始移返入去，士林臨時市場正式熄燈。
2012年，士林臨時市場開始拆卸，塊地計畫用嚟起臺北市第二座大型藝術展演場館「臺北藝術中心」。2月，士林市場假日人潮太多，士林消防局喺星期五、六、日18點至00點派一部消防車戒備，以維護安全。4月，士林市場夜晚人流擁擠，對於安全同環境品質有顧慮，啟動人流管制，最多1400人左右，多過呢個數就有出冇入。

近年士林夜市傳出咗唔少消費爭議，例如對外國遊客抬價，亂推出「隱藏版菜單」等等，形象受到影響，唔少攤商做唔住。去到2020年11月，東森新聞就報道，因為形象問題加上武漢肺炎嘅問題，人潮銳減，嗰度有唔少整排掛出招租嘅廣告板。^[1]。

呢篇同臺灣有關嘅文係楔位文。歡迎幫維基百科擴寫佢。