外役監

外役監係台灣刑事同監獄制度裏面其中一個服刑安排，目的係讓受刑人喺回歸社會之前有個順利過渡嘅機會。佢喺管理上唔會搞得好嚴苛，唔會戴手銬腳鐐，唔會強制受刑人要做乜嘢，亦唔會強迫點名，採用低度管理嘅方法，比受刑人慢慢適應返平常嘅生活節奏，同社會慢慢接軌。

爭議

2023年7月，台北市夜店殺警案兇手易寶宏被揭發，喺2022年獲調外役監服刑，令社會嘩然。其中時代力量嘅批評係話外役監變成咗貪汙罪、重大經濟罪同權貴犯罪份子嘅避風港。時代力量仲指出佢哋喺2019年同2022年就提出過修法草案，要求貪汙罪同重大經濟罪犯未交返犯罪所得之前唔可以去外役監；而殘餘刑期超過2年同重大暴力犯罪者都唔可以去外役監，唔想畀外役監成為權貴罪犯同重大暴力犯嘅安全港，讓佢哋犯法之後仲可以安穩度日。