大嶼山新主題公園

大嶼山新主題公園係香港一個計劃緊嘅主題公園，由香港政府喺2004年提出，建議喺香港新界大嶼山東涌附近起香港第3座主題公園。根據香港行政長官喺2004年發表嘅《施政報告》，喺同年2月成立咗大嶼山發展專責小組，構思喺東涌東部嘅海旁區適合發展做主題公園。東涌東部鄰近香港國際機場同港珠澳大橋，有完善嘅道路網，長遠嚟講有潛力發展做香港居民同外地遊客嘅一個主要旅遊點，同埋配合北大嶼山新市鎮未來發展。