大步走》(英文The Runner)係香港無綫電視製作嘅時裝電視劇,由陳山聰姚子羚張達倫劉穎鏇領銜主演,羅天宇陳自瑤胡諾言趙希洛蔣志光張國強泰臣林子善聯合演出,監製黃偉聲。故仔用跑步做背景。

套劇喺翡翠台曾經兩度延期播出街,初頭安排喺2020年12月28號首播,之後因為改播《堅離地愛堅離地》而被抽起;跟住安排喺2021年1月25號首播,再因為改播《陀槍師姐2021》而再被抽起;最終喺同年3月8號首播。

另外,套劇一度被計劃由3月22號(第11集)開始將播映時段由第三檔(21:30檔)調上第二檔(20:30檔),騰出時段畀嗰日首播嘅《愛美麗狂想曲》,被外界猜測係用後者去迎擊隔籬台ViuTV同日首播嘅真人騷《最後一屆口罩小姐選舉》,後尾因為爭議聲音大,就連無綫前總經理陳志雲都出聲批評自亂陣腳,結果呢套劇唔使調時段。

出面網頁