黃竹坑大王爺廟係香港一間廟宇，喺香港島黃竹坑南朗山道同香葉道交界，黃竹坑明渠南面嘅旁邊。係香港島獨一無二嘅大王爺廟。
廟裏面供奉嘅係朱元璋嘅外甥，曹國公李文忠。
喺民國初期，當地嘅漁民喺而家明渠嘅溪流上面，發現咗一尊大王爺嘅神像。等到1982年，政府就喺神像發現嘅位置撥地起咗一間大王爺廟。
