愛笑瑜伽

愛笑瑜伽（Laughter Yoga），又叫大笑瑜伽，係由印度醫生Dr. Manda Kataria創立，將笑結合瑜伽嘅呼吸法，透過簡單動作，放鬆身體，舒緩情緒。

英國嘅愛笑瑜伽活動

簡介

愛笑瑜伽係一個獨特嘅概念，係一套促進全人健康、快樂嘅日常運動。愛笑瑜伽結合笑聲同丹田式呼吸法，以小組形式進行，過程中參加者會扮到好似細路噉盡情玩遊戲同大笑，唔需要笑話或者笑片，純粹講求冇原因嘅笑。唔少海外醫學研究證明愛笑瑜伽能夠為身心靈帶嚟數之不盡而持續性嘅好處。

同精神健康關係

創辦人指出愛笑瑜伽普及化能夠有效抒緩壓力，並能夠促進人際關係，達至預防出現精神健康問題。對於情緒病患者嚟講，愛笑瑜伽更加能夠有效促進個人持續改善情緒、放鬆身體，並大大提高睡眠質素，絕對係有效、可靠、成本低、持續性高嘅情緒良藥。對情緒感冒患者嚟講，愛笑瑜伽能夠幫助減少藥物副作用、改善睡眠質素、活動更加開心同愉快、增強免疫系統，同時擴展社交圈子。