大蠔沙
23°4′36.9″N 113°28′55.5″E / 23.076917°N 113.482083°E 大蠔沙（粵拼：daai6 hou4 saa1）係位於中國廣東廣州珠江航道東邊嘅島，喺黃埔區廣州經濟技術開發區西區西邊隔籬、南海神廟西南邊對面。個島上空有黃埔大橋經過。島個樣好似生蠔於是得名。
大蠔沙係廣州經濟比較落後嘅地區，重落後過大吉沙。島入面重幾原始，現時係無人島，所以雖然有黃埔大橋經過，但凈過佢頭殼頂，冇匝道落去。附近得一個碼頭仔，往返一次要40文人民幣，晚黑唔開船。交通可以用「自古華山一條路」形容。
個島喺2011年入選咗廣州市第一批開發無人島名錄，但2015年12月4號，廣州市規委會以冇人反對嘅身份通過咗決議，話呢個島唔畀搞房地產開發[1]，不過準備要開做濕地公園[2]。
註
編輯- ↑ 〈南海心沙等四島將變身公園 46個島嶼不能開發房地產〉。《南方都市報》。南方網。2015年12月5號。原著喺2016年3月5號歸檔。喺2015年12月16號搵到。
- ↑ 〈重磅！廣州將出現四大江上公園！400米觀光塔，空中花園，藝術區，濕地公園或將齊齊出現〉。微號網。2015年12月5號。原著喺2016年3月5號歸檔。喺2015年12月16號搵到。
連出去
編輯- 〈大蠔沙：被閒置的江中綠洲〉。《南方都市報》。探秘廣州海島。2013年12月25號。
- 〈連本地人都不一定知道的廣州週邊幾個絕美小島〉。《廣州生活館》。廣州吃喝玩樂。