廣州經濟技術開發區
發展史
編輯喺1991年—2000年，廣州經濟技術開發區係經過咗2次嘅發展：
第一期發展（1991—1995）
編輯喺1991年，廣州市政府發佈咗《關於廣州市經濟技術開發區進一步擴大改革開放嘅決定》提出咗發展廣州經濟技術開發區。1992年初，鄧小平嚟咗中國南邊重發表咗講話報告，話咗要把握好機會嚟深化改革。通過學咗鄧小平嘅重要講話同中共十四大嘅精神，廣州經濟技術開發區重結合咗實際，定咗條《關於進一步深化改革，擴大開放嘅問題決定》，呢份嘢提出咗起保稅區同雲埔工業區嚟深化改革同加強廉政建設、精神文明建設呢15條意見。 喺呢個階段，廣州經濟技術開發區一共搞掂咗投資92.42億元嘅固定資產投資。其中1995年就丼咗11.42億蚊嘅新區基礎嘅建設，就係噉，大幅度發展咗區域嘅經濟，嗰時，1995年嘅廣州開發區工業總產值就突破咗100億蚊嘅關口，去到140億蚊。
第二期發展（1995—2000）
編輯1995年11月，國務院特區辦就喺廣州經濟技術開發區入面開咗沿海14個經濟技術開發區嘅工作座談會，而呢個會係交流同研究咗中國入面嘅各個開發區，重搞咗第二次嘅創業思路。到咗1997年嘅中共十五大入面，要求咗經濟特區喺體制創新、產業升級同擴大開放呢啲方面，一定要做高佬。就喺呢個發展階段，廣州經濟技術開發區一共搞掂咗210.6億蚊嘅固定資產投資。喺2000年重實現咗超過338.9億蚊嘅工業總產值投資。
區域
編輯廣州經濟技術開發區喺廣州市嘅東邊，穗港澳黃金三角洲嘅中心地帶，東南邊靠住東莞、西南邊靠住番禺區，陸路可以去到增城、黃埔區、白雲區同天河區。到2000年底，廣州經濟技術開發區嘅規劃面積已經從1984年嘅9.6平方公里擴大到88.77平方公里，重分開咗西區、東區（出口加工區）、永和經濟區（廣州台商投資區）同埋廣州科學城呢4個區域。
廣州經濟技術開發區（西區）
編輯西區喺黃埔新港、珠江同東江嘅交界之間嗰邊，規劃面積係9.6平方公里。經過咗十幾年嘅開發建設，西區已經發展到有完善配套設施嘅工業園區。
廣州經濟技術開發區（東區）
編輯東區（出口加工區）喺廣州市黃埔區南崗鎮嘅東邊，廣州開發區西區嘅北邊，而呢個區分開咗南北兩區。之前原規劃面積係9.6平方公里，但因為黃埔新港同珠江、東江各碼頭港，重有大蠔洲島一共霸咗3平方公里嘅規劃用地，而廣州開發區凈係得返6.6平方公里去開發，為咗解決點解唔夠地用嘅嘢，喺1992年，國務院正式批准咗換返3平方公里嘅地嚟發展東區南片。而廣州市政府就決定咗，將雲埔工業區入面嘅4平方公里用地畀返廣州開發區嚟開發用，就發展到而家嘅東區北片。1995年，廣東省人民政府批准咗，將東區劃入廣州經濟技術開發區，而東區嘅總規劃面積係7平方公里。2000年4月，廣州經濟技術開發區俾國務院批准咗，喺東區度成立出口加工區。喺2001年3月30號，首期90萬平方米嘅出口加工區正式封關營運。
永和開發區
編輯永和經濟區喺增城區永和鎮，喺1993年成立，而佢嘅規劃面積係34.7平方公里。1995年，廣州市政府決定喺永和經濟區入面起笪廣州市台商投資區。重正式批准將永和經濟區劃入廣州經濟技術開發區入面。
廣州科學城
編輯廣州科學城喺廣州市區東北邊嘅白雲生態保護區附近，喺1998年12月28號開始奠基，佢嘅規劃面積有37.47平方公里。
帶動嘅作用
編輯廣州經濟技術開發區喺經濟發展入面，充分利用咗政策、資源等各方面嘅優勢嚟先快人一步嘅同時，始終重注意咗建設同發展嘅大局，積極噉發揮咗地區經濟嘅示範、輻射同帶動嘅作用。
喺呢10年嘅發展入面，廣州經濟技術開發區唔停噉優化緊自己嘅產業結構。1998年，廣州經濟技術開發區同廣州高新區合併咗之後，好大噉推動咗以廣州科學城嚟做核心基地嘅高新技術產業發展；重按咗廣州市委、市政府嘅部署嚟極力加快廣州嘅東南部工業建設。喺幫貧困地區嘅發展等其他各方面，廣州經濟技術開發區都發揮咗應有嘅積極作用。尤其喺幫廣州市嘅老國有企業搬嚟呢度起嘅問題，佢重專門定咗扶持政策，喺地價、稅收方面，重幫咗國有企業同外資接軌、利用外國嘅先進管理經驗同技術。重幫咗大部分嘅廣州市區舊企業出咗生機同活力。
隨住廣州經濟技術開發區嘅事業發展，重加快咗開發區周邊地區嘅人流、物流、資金流同資訊流，喺唔同程度入面，重帶埋商貿、旅遊、房地產業同鄉鎮企業嘅發展。