大角灣

大角灣（粵拼：daai6 gok3 waan1；英文：Dajiao Bay）係中國廣東陽江嘅一個地名兼遊樂場，亦係中國國家AAAAA級嘅旅遊區，2001年俾海陵島旅遊有限公司開發成景區，位置喺江城區閘坡鎮海陵島西南角嘅海濱路西邊。喺陽江嘅海陵島八景入面，有「角灣弄潮」嘅稱呼。

該地喺1989年被列入該地第一批升級旅遊區，甚至喺1994年升格，2001年被列為AAAA景區。既係廣東省最受歡迎嘅自駕遊目的地，又係中國最佳嘅旅遊去處。

名

個樣似超大嘅牛角而改成噉嘅名。

海灣三面環山、一面臨南海，全長2450m，闊60～150m，沙嘅坡度係0.35，背靠平原腹地，兩邊有望寮嶺同大角頂響度。由於地處熱帶，所以年平均氣温22.8℃，水温23.5℃。沙質金黃潔淨兼鬆軟，加上海水比較乾淨同空氣清新而出名。

海灘部分

大角灣主要有5個景區，分別係海灘同水上樂園、沙灘遊樂場同夜場一條街，及十里銀灘、博物館之類嘅景點。

景區最主要部分，係得天獨厚嘅天然海上遊樂浴場。佢除咗陽光、沙灘、海水等出名嘅環境之外，重有沙灘車、摩托艇、風帆、沙灘足球、排球、沙灘燒烤、滑翔傘、篝火晚會、日光浴、激光射擊同放紙鷂等一系列項目。除咗激光射擊從日頭到晚黑都有之外，其它項目除咗燒烤同晚會凈喺晚黑有之外，其它項目凈喺日頭開放。

另外，佢亦係中國內地第一間大型沙灘海上樂園。

景區次要部分，近馬路邊，係公眾泳池兼水上遊樂場。佔地1.8公頃，入面有好多條唔同嘅滑道同泳池響度，尤其係瘋狂大滑坡最刺激。

景區近步行街地區嘅一部分。喺每日夜幕降臨時比較精彩，因為入面除咗表演之外，重有好多機動遊樂設施俾人由日頭玩到晚黑。