天梯 (無綫電視劇)
(由天梯 (電視劇)跳轉過嚟)
提示：呢篇文講嘅唔係豬天梯。《天梯》係無綫電視民初電視劇，以高清技術拍，由張可頤同埋陳豪領銜主演，監製李添勝。套劇總共25集，2012年9月17號至10月19號首播。
劇情改編一個真人真事嘅「愛情天梯」事蹟。1950年代，20歲重慶採藥戶劉國江愛上30歲大嘅寡婦徐朝清。為避開世俗閒言，佢哋搬去深山老林住。男方為女方出行安全，嚮懸崖峭壁上鑿石梯通山外，而家留低6千級山梯，俾人封號「愛情天梯」。嚮中國傳說，顓頊帝之前，天同地相距唔遠，重有路可以由地面來回天庭，嗰條路叫做「天梯」。清代龔自珍《定庵續集•癸壬之際胎觀》：「人之初，天下通，人上通，旦上天，夕下天，天與人，旦有語，夕有語。」
