天球赤道

地球赤道投影上天

赤道天球上分隔南北各一半嘅,圍成一圈,實情係地球赤道投射上天球。由於同地球赤道有所分別,亦有人叫天球赤道。實情古時假定地平為多,天上面嘅赤道,早發現過地球上嘅赤道,倒轉頭地球赤道,借用咗天球赤道而名。地球赤道係基於地球自轉地軸而言,地軸傾斜,同黃道平道成夾角,有西洋二十三度四四,天上赤道同黃道亦有依個夾角。赤道同黃道相交之處,叫春分秋分

赤綫為赤道

天球為假想嘅球體。赤道為天球至大圓,平行於赤道,就叫赤緯。垂直於赤道,就叫赤經

赤道為基準嘅坐標,叫赤道坐標系統。西洋以赤道到天南北極,各有九十度,而赤道為定為〇度。而赤經以春分黃道赤道相交處為〇,以時角計算。

而唐人傳統,赤經則將分為三百六十五度又四分度之一,但一般以二十八宿距星起計度數,稱為入宿幾多度。赤緯由天球北極定為零度,稱為去極幾多度,赤道就喺九十一度又十六分度之五,南極喺一百八十二度又八分度之五。

地軸相對於黃道平面會變,只係難以察覺。是為歲差章動。咁赤道查實會移位,但會好慢,然而日積月累就好大,春分秋分都會移位。現今要求精確,赤道坐標會註明年份。

英文寫做celestial equator