天空公主

  想搵第二個意思嘅話，請睇天空公主 (搞清楚)。

天空公主（英文：Sky Princess）係一架皇家級遊輪，由嘉年華公司（紐約交易所代號：CCL；倫敦交易所代號：CCL）嘅子公司公主郵輪經營。佢係郵輪公司歷史上第二架以呢個名航行嘅船。佢係公主艦隊第四架皇家級船，喺2019年10月開始運作。呢架船嘅重量係145,281噸（大約係尼米茲級核動力航空母艦嘅1.4倍），長度係330米（比尼米茲級核動力航空母艦嘅332.8米短0.85％），架船有19層甲板，可以容納3,660名乘客，同埋1,346個船員。

天空公主

天空公主（2022年）

歷史

規劃同建設

嘉年華公司喺2015年3月首次同意大利第里雅斯特（意大利文：Trieste）嘅造船廠 Fincantieri 簽咗戰略協議，喺2019年至2022年間交付五艘大型遊輪。 喺2015年12月30號，公主郵輪公司正式公佈協議嘅詳情，公主郵輪訂咗四艘當時未改名嘅皇家級郵輪。 訂單嘅造船合約喺2016年4月2號正式確定。喺2017年11月30號，公主郵輪正式宣布第四艘皇家級郵輪嘅船名係天空公主（Sky Princess），用嚟紀念之前一艘同名嘅公主號。

喺2016年11月9號，喺 Fincantieri 嘅 Castellammare di Stabia 造船廠進行隻船嘅船頭鋼材切割儀式之後，正式開始造；喺2017年9月8號，喺 Fincantieri 嘅 Monfalcone 造船廠進行隻船其餘部分嘅鋼材切割作為另一個里程碑（milestone）；隻船嘅龍骨鋪設係喺2018年7月5號進行。喺2019年2月14號，隻船開始浮出（float out；係指造緊嘅船離開船塢，第一次落水上）測試，然後喺2019年9月完成海上試驗。

首次亮相

天空公主喺2019年10月15號喺 Fincantieri 嘅 Monfalcone 造船廠舉行交接儀式（handover ceremony）上，正式交付。

架船喺2019年10月16號為新聞界進行咗一個為期四日嘅服役前（pre-inaugural）shakedown 航行，由第里雅斯特（意大利文：Trieste）去雅典（Athens），中間停靠卡塔羅（Kotor；意大利文：讀音 [ˈkataro]）。 佢喺2019年10月20號進行咗佢嘅正式首航（maiden voyage），係一個來回雅典同巴薩隆拿（Barcelona）之間嘅七日郵輪行程。佢喺2019年秋天喺地中海（Mediterranean）航行咗一個短暫嘅首個季節，之後喺2019年12月1號抵達佢嘅新母港佛羅里達州羅德岱堡（Fort Lauderdale, Florida）嘅大沼澤港（Port Everglades）。由於需求量大，架船喺2019年12月1號同2019年12月4號舉行咗兩次為期三日嘅航程，兩次都係來回大沼澤港同公主礁（Princess Cays）之間。

天空公主喺2019年12月7號喺大沼澤港由美國太空總署（NASA）太空人兼美國海軍船長 Kay Hire 同美國太空總署工程師 Poppy Northcutt 主持洗禮儀式（Christening；係一個正式嘅傳統儀式，目的係為隻船、船員同乘客祈求好運同安全）。

營運航線

一般嚟講，冬天嘅時候，天空公主號會來回大沼澤地港同加勒比（Caribbean）之間。夏天嘅時候，佢會喺歐洲航行，包括波羅的海（Baltic）地區。秋天嘅時候，佢會來回東岸海洋省份（Maritimes），包括紐約、紐英倫（New England）等。

設計同埋規格

天空公主嘅重量係145,281 GT ，長度係330.0米（1，082.7呎），食水（draft）深度係8.49米（27.9呎），寬度（beam）係38.4米（126呎）。 佢係由柴電動力系統（diesel-electric genset system）驅動，總共有四個 Wärtsilä 引擎，總輸出功率係62.4百萬瓦（83,700馬力）。主要係透過兩個螺旋槳（propellers）推進，每個螺旋槳由一個18百萬瓦（24,000馬力）嘅摩打推動。呢個系統令到架船嘅服務速度（service speed）達到21.9節（每個鐘頭40.6公里；每個鐘頭25.2英里），最大速度達到23節（每個鐘頭43公里；每個鐘頭26英里）。船上有1，830間客房同757個船員艙，81％嘅客房有露台，呢架船最多可以坐5,800個乘客同船員。