天花板

  提示：呢篇文講嘅唔係天花 (傳染病)。

天花板，又叫天花，係屋宇內頂。天花板可以寫畫、油油漆，或者安裝吊燈、光管、吊扇、開天窗，嚟改變室內照明同埋空氣流通嘅效用。有尐建築物嘅天花板為咗遮住管線或者增加放嘢嘅地方等原因，會再以木板等材料將原本嘅天花板遮住，變成假天花。

羅馬Basilica di San Giovanni in Laterano嘅天花板

香港國際機場二號客運大樓嘅天花板

喺中國南方城市，第二次世界大戰前，唐樓嘅樓底特別高，所以室內感特別開揚，又因為善用空間，唔少房東鍾意喺天花底加建閣仔，自用或者再分租多一兩戶租客。

睇埋

• 假天花