太古船塢

太古船塢（英文：Taikoo Dockyard）係香港舊時一座船塢，喺港島東區鰂魚涌太古城現址，由太古洋行開設，係當時亞洲其中最大規模嘅船塢之一。

歷史

1900年代太古船塢嘅位置圖

日軍佔領時被炮彈炸毀嘅太古船塢

太古船塢落成時嘅碑石，現存於太古城

1883年，太古公司喺本來一片荒蕪嘅鰂魚涌附近發展當時香港最龐大嘅工業區，設立咗太古船塢、太古糖廠及香港汽水廠。太古船塢嗰陣已經係香港規模最大嘅船塢，一度僱用咗超過5,000名工人，而造船技術同出產船隻嘅排水量都同日本齊名。

太古洋行為太古船塢職工喺船塢側嘅西灣河及鰂魚涌一帶興建宿舍，全以太字為名。太古亦創辦咗太古小學，供職工嘅子女就讀。

1910年代至1971年，太古船塢都兼營位於九龍尖沙嘴九廣鐵路側邊嘅藍煙囪貨倉碼頭。其中，都喺香港淪陷時期，被日軍佔領，而被炮彈炸毀。但戰後規模反而更大，員工設施同福利更完善。

1970年代，隨著香港造船業式微，太古船塢與黃埔船塢喺新界西青衣合併成今日嘅香港聯合船塢。太古船塢原址則發展為住宅及商業區，成為今日嘅太古城。

太古船塢曾於1971年發生五級大火，當時停泊於船塢內進行維修嘅一艘古巴貨輪着火，釀成3死4傷。

呢篇香港交通文係楔位文。歡迎幫維基百科擴寫佢。