太和園

太和園，係香港一園，喺大埔近運頭角，今運頭街，大埔墟街市對面。

太和園係私人所有，原本係朱氏別墅，但地方多年都借出來辦學。如今亦有香島中學。

太和園舊日亦有有園林，亦係遊人去處，如今不復舊觀。

史

太和園曾喺戰時收孤兒二十二人，一九四二年轉送大埔農化孤兒院，卽後尾聖基道兒童園。

曾借用嘅學校

• 香港難童工讀院，一九三九年十一月租，大埔太和園。因火災十二月另租得香港島壽山村道十六號。
• 大埔公立學校，卽後尾大埔浸信會公立學校，一九四六年春初開辦，園主朱仁傑借出校址，一九四八年搬到北盛街
• 誠明學校，一九四五年開，一九四八年遷到太和園，租校舍，課室太窄，容額唔多，學生活動，無乜地方。一九六五年得政府資助，撥地萬呎，喺大埔錦山村石鼓壟籌建新校，於一九六六年四月落成，遷至新址。
• 伯裘英文書院
• 香島英專夜校，一九九三年八月，荃灣分校搬入大埔，變成大埔分校。十一月，改名為香島專科學校 。