太學三舍法
太學三舍法即係用學校教育取代科舉考試。 「三舍法」，即係將太學分為外舍、內舍、上舍三等，外舍2000人，內舍300人，上舍100人。官員子弟可以唔使考試即刻入學，但係平民子弟就需要考試合格先可以入學。「上等以官，中等免禮部試，下等免解」，後來地方官學亦都用呢個方法，反映咗班級教學嘅特色。
呢種學校體制，雖然後來有所變化，但基本趨勢都穩定落嚟。呢種制度等於係交畀學校一部分嘅取士權，至少係畀太學生有更多嘅取中機會，因為除咗學校嘅考試之外，太學生仲可以跟其他人一樣，參加正常嘅科舉考試。宋代嘅改革，事實上將太學變成咗科舉嘅一個層次，而學校就徹底變成咗選官制度嘅一個組成部分。呢一種制度，演變到明清，就變成咗所有官學學生，事實上都成為科舉台階上嘅第一個等級，進學就中咗秀才，等於係科舉嘅第一個台階上嘅人，呢個時候學校已經同科舉制度徹底融合埋一齊。