據《史記》記載，太甲在位初年，任用伊尹做宰相，商朝比較強盛。但係太甲三年嗰陣，太甲開始按照自己個脾氣做嘢，以殘暴嘅手段對付百姓、奴隸，伊尹就將太甲流放去桐嘅王宮。三年後，伊尹見太甲改過自新[1]，就鄭重噉將政權交翻畀太甲。太甲復辟之後，沉痛接受教訓，做咗一個勤政愛民、勵精圖治嘅一代聖君。太甲廟號係太宗。[2]
不過，另一本史書《竹書紀年》對呢件事就有唔同嘅描述：
伊尹放逐太甲之後，自立為王，七年後，太甲由桐宮逃走翻去殺死篡位嘅伊尹，並改立伊尹嘅兩個仔伊陟同伊奮繼承伊家[3]。
- ↑ 《孟子·萬章上》：“太甲悔過，自怨自艾。”
- ↑ 《史記·殷本紀》：“太甲，成湯適長孫也，是為帝太甲。帝太甲元年，伊尹作伊訓，作肆命，作徂後。帝太甲既立三年，不明，暴虐，不遵湯法，亂德，於是伊尹放之於桐宮。三年，伊尹攝行政當國，以朝諸侯。帝太甲居桐宮三年，悔過自責，反善，於是伊尹乃迎帝太甲而授之政。帝太甲修德，諸侯咸歸殷，百姓以寧。伊尹嘉之，乃作太甲訓三篇，褒帝太甲，稱太宗。”
- ↑ 《竹書紀年》記載：“仲壬崩，伊尹放太甲於桐，乃自立也。伊尹即位，放太甲七年。太甲潛出自桐殺伊尹，乃立其子伊陟、伊奮，命復其父之田宅而中分之”。
