太陰日

  提示：呢篇文講嘅唔係月球日。

太陰日係諸多描述地球自轉週期嘅方式之一。佢嘅定義方式係參照月球上高一點作為參考點，地球自轉一輪重新對到同一點嘅週期。地球上睇，就係特定笪埞兩次月光升起抑或兩次中天之間嘅時間週期。喺個週期之中，雖然地球對月球有潮汐鎖定，月球都會因為圍住地球公轉而致使參考點順住地球自轉方向喐動少少（即順行），所以太陰日一週轉嘅度數要多過地球自轉360度（即恆星日）少少，甚至乎仲要多過太陽日嘅。呢個週期通常長過24小時嘅地球太陽日50分鐘。

太陰日示意圖。裏頭藍色係地球，灰色係月球（移動前後）；灰色箭頭表示一太陰日當中地球轉有嘅角度。地球表面淺藍色表示啲潮水高低。

由於月球對地球表面啲水嘅引力影響比較大，所以太陰日同潮水週期關係好大，經常用喺描述潮水模式上邊。嗰陣時，一個潮汐太陰日就對應一眼子。

睇埋

• 子老水
• 獨流水